ຂ່າວ​ສານ​ຈີນ​ລາຍ​ງານ​ວ່າ: ກະ​ຊວງ​ທ່ອງ​ທ່ຽວ​ກຳ​ປູ​ເຈຍ​ເປີດ​ເຜີຍ​ບົດ​ລາຍ​ງານ​ສະ​ຖິ​ຕິການ​ທ່ອງ​ທ່ຽວ​ໃນ​ວັນ​ທີ 13 ສິງ​ຫາ​ນີ້​ວ່າ:  6 ເດືອນ​ຕົ້ນ​ປີ​ນີ້, ກຳ​ປູ​ເຈຍ​ໄດ້​ຕ້ອນ​ຮັບ​ນັກ​ທ່ອງ​ທ່ຽວ​ຈີນຫຼາຍກວ່າ 1,29 ລ້ານ​ເທື່ອ​ຄົນ ເພີ່ມ​ຂຶ້ນ 38,7% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ 2018 ຜ່ານ​ມາ.
 

ບົດ​ລາຍ​ງານ​ລະ​ບຸ​ວ່າ: ແຕ່​ເດືອນ​ມັງ​ກອນ​ຫາ​ເດືອນ​ມິ​ຖຸ​ນາ​​ປີນີ້, ນັກ​ທ່ອງ​ທ່ຽວ​ສາ​ກົນ​ທີ່​ເດີນ​ທາງ​ໄປ​ທ່ຽວ​ກຳ​ປູ​ເຈຍ​ບັນ​ລຸຫຼາຍກວ່າ 3,33 ລ້ານ​ເທື່ອ​ຄົນ, ເພີ່ມ​ຂຶ້ນ 11,2% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ. ຈີນ​ເປັນ​ຕະຫຼາດ​ນັກ​ທ່ອງ​ທ່ຽວ​ໃຫຍ່​ທີ່​ສຸດ​ຂອງ​ກຳ​ປູ​ເຈຍ ເຊິ່ງກວມຍອດ​ຈຳ​ນວນ​ນັກ​ທ່ອງ​ທ່ຽວ​ສາ​ກົນ​ຂອງ​ກຳ​ປູ​ເຈຍປະ​ມານ 40%.