ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີເລີ່ມສາຍລະຄອນໂທລະພາບ “ຄວາມຝັນໃນວິມານແດງ” ຂອງຈີນ (ຖ່າຍທຳເມື່ອປີ 1987) ສະບັບພາສາມຽນມາ ເຊິ່ງແມ່ນສະຖານີວິທະຍຸໂທລະພາບເຂດກວາງຊີຈີນ ແລະ ສະຖານີວິທະຍຸໂທລະພາບແຫ່ງຊາດມຽນມາຮ່ວມກັນເປັນເຈົ້າພາບ ໄດ້ຈັດຂຶ້ນຢູ່ນະຄອນຫຼວງເນປີດໍປະເທດມຽນມາໃນວັນທີ 12 ສິງຫານີ້. ທ່ານເປ ມຽນ ລັດຖະມົນຕີກະຊວງໂຄສະນາອົບຮົມມຽນມາ, ທ່ານເສິນໄຫ ເອກອັກຄະລັດຖະທູດຈີນປະຈຳມຽນມາ, ທ່ານຮວງຢີ ຜູ້ອຳນວຍການໃຫຍ່ສະຖານີວິທະຍຸໂທລະພາບເຂດກວາງຊີຈີນ ແລະ ແຂກຜູ້ມີກຽດທ່ານອື່ນໆທັງຈີນ ແລະ ມຽນມາ 500 ກວ່າຄົນໄດ້ເຂົ້າຮ່ວມພິທີດັ່ງກ່າວ.
ໃນຫຼາຍປີມານີ້, ເຂດກວາງຊີຈີນ ແລະ ມຽນມາໄດ້ເປີດກວ້າງການຮ່ວມມືໃນຂົງເຂດວິທະຍຸໂທລະພາບຢ່າງບໍ່ຢຸດຢັ້ງ. ຄໍລຳ “ລະຄອນໂທລະພາບຈີນ” ແລະ “ກາຕູນໂທລະພາບຈີນ” ທີ່ສະຖານີວິທະຍຸໂທລະພາບເຂດກວາງຊີຈີນ ແລະ ສະຖານີວິທະຍຸໂທລະພາບແຫ່ງຊາດມຽນມາຮ່ວມກັນຈັດຂຶ້ນນັ້ນ ໄດ້ສ້າງຮູບການໃໝ່ແຫ່ງການຮ່ວມມືລະຫວ່າງສື່ມວນຊົນຈີນແລະມຽນມາ.
ຕອນຄ່ຳມື້ດຽວກັນ, ຊ່ອງຫຼັກຂອງສະຖານີວິທະຍຸໂທລະພາບແຫ່ງຊາດມຽນມາໄດ້ເລີ່ມສາຍລະຄອນໂທລະພາບ “ຄວາມຝັນໃນວິມານແດງ” ສະບັບພາສາມຽນມາ ເຊິ່ງຜູ້ຊົມມຽນມາໄດ້ໃຫ້ຄວາມສົນໃຈຕິດຕາມຊົມຢ່າງຫຼວງຫຼາຍ.
ຄຳເຫັນ
0