ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 19 ສິງຫານີ້, ຄະນະກຳມະການພັດທະນາເສດຖະກິດ-ສັງຄົມແຫ່ງຊາດໄທໄດ້ເປີດເຜີຍວ່າ: ໃນໄຕມາດ 2 ປີ 2019, ລວມຍອດຜະລິດຕະພັນພາຍໃນ ຫຼື GDP ຂອງປະເທດໄທເພີ່ມຂຶ້ນ 2,3% ເມື່ອທຽບໃສ່ໄລຍະດຽວກັນຂອງປີ 2018, ຕ່ຳກວ່າຈັງຫວະການເຕີບໂຕໃນໄຕມາດ 1 ທີ່ໄດ້ບັນລຸໄດ້ 2,8% ແລະເປັນຈັງຫວະການເຕີບໂຕຕ່ຳທີ່ສຸດນັບແຕ່ໄຕມາດ 3 ປີ 2014 ຜ່ານມາ.
ມາຮອດປັດຈຸບັນນີ້, ຈັງຫວະການເຕີບໂຕດ້ານເສດຖະກິດໄທໃນ 6 ເດືອນຕົ້ນປີນີ້ບັນລຸ 2,6%.
ຫົວໜ້າຄະນະກຳມະການການພັດທະນາເສດຖະກິດ-ສັງຄົມແຫ່ງຊາດໄທກ່າວວ່າ: ການຫຼຸດລົງຂອງຈັງຫວະການເຕີບໂຕດ້ານເສດຖະກິດໂລກ ກໍຄືປັດໄຈທີ່ບໍ່ເອື້ອອຳນວຍອື່ນໆພາຍໃນ ແລະຕ່າງປະເທດໄດ້ສົ່ງຜົນກະທົບຕໍ່ເສດຖະກິດໃນໄຕມາດ 2 ຂອງໄທ. ລັດຖະບານໄທຈະນຳໃຊ້ມາດຕະການທີ່ຈຳເປັນເພື່ອຊຸກຍູ້ຈັງຫວະການເຕີບໂຕຂອງເສດຖະກິດໃຫ້ສາມາດຟື້ນຟູຂຶ້ນ.
ເນື່ອງຈາກປັດໄຈທີ່ບໍ່ແນ່ນອນພາຍໃນ ແລະຕ່າງປະເທດໃນປັດຈຸບັນນີ້ເພີ່ມຂຶ້ນ, ຄະນະກຳມະການດັ່ງກ່າວໄດ້ຕັດສິນໃຈປັບຫຼຸດການຄາດຄະເນຈັງຫວະການເຕີບໂຕຂອງເສດຖະກິດໄທໃນປີ 2019 ໃຫ້ຍັງເຫຼືອ 2,7% ຫາ 3,2%, ແຕ່ການຄາດຄະເນທີ່ໄດ້ເປີດເຜີຍໃນເດືອນພຶດສະພາຜ່ານມາແມ່ນ 3,3% ຫາ 3,8%.
ຄຳເຫັນ
0