ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ງານວາງສະແດງປຶ້ມສາກົນປັກກິ່ງຄັ້ງທີ 26 ແລະເທດສະການປຶ້ມສາກົນປັກກິ່ງຄັ້ງທີ 17 ກໍຄືງານວາງສະແດງການພິມຈຳໜ່າຍທາງດີຈີຕອນຈີນຄັ້ງທີ 9 ຈະຈັດຂຶ້ນແຕ່ວັນທີ 21 ຫາວັນທີ 25 ສິງຫານີ້ ເຊິ່ງມີວິສາຫະກິດຈາກ 95 ປະເທດ ແລະເຂດແຄວ້ນເຂົ້າຮ່ວມ, ຣູມານີໄດ້ຮັບກຽດເປັນປະທານກິຕິມະສັກຂອງງານຄັ້ງນີ້.
ງານວາງສະແດງຄັ້ງນີ້ພາຍໃຕ້ຫົວຂໍ້ “ຄວາມສະຫງ່າຍິ່ງໃຫຍ່ໃນໄລຍະ 70 ປີຜ່ານມາ, ປຶ້ມໃນຍຸກສະໄໝໃໝ່" ໃນນີ້ຈະມີເຂດວາງສະແດງປຶ້ມກ່ຽວກັບການສະຖາປະນາສປ ຈີນຄົບຮອບ 70 ປີ, ເຂດວາງສະແດງສາກົນສິ່ງພິມ “ໜຶ່ງແລວໜຶ່ງເສັ້ນທາງ”, ເຂດວາງສະແດງປຶ້ມກ່ຽວກັບງານກີລາໂອລີມປີກລະດູໜາວ, ເຂດສະແດງປຶ້ມໃນຫົວຂໍ້ “ຊ່ອງທາງຮ້ານຂາຍປຶ້ມ” ແລະອື່ນໆ.ງານວາງສະແດງຄັ້ງນີ້ໄດ້ເຕົ້າໂຮມບໍລິສັດພິມຈຳໜ່າຍຂອງບັນດາປະເທດ ແລະມີວິສາຫະກິດພາຍໃນ ແລະຕ່າງປະເທດຫຼາຍກວ່າ 2600 ແຫ່ງເຂົ້າຮ່ວມ ໃນນັ້ນ ມີວິສາຫະກິດຕ່າງປະເທດ 1600 ແຫ່ງ ເຊິ່ງໄດ້ວາງສະແດງປຶ້ມທີ່ພິມຈຳໜ່າຍຫຼ້າສຸດທີ່ມີຫຼາຍກວ່າ 3 ແສນຊະນິດ ເຊິ່ງເປັນການສ້າງສະຖິຕິໃໝ່ຄັ້ງໃໝ່.
ຄຳເຫັນ
0