ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຈີນປະກາດວ່າ: ເລີ່ມແຕ່ວັນທີ 20 ສິງຫານີ້ເປັນຕົ້ນໄປ, ຈີນຈະປະຕິບັດຂໍ້ກຳນົດໃໝ່ໃນການຈຳແນກແຫຼ່ງຜະລິດສິນຄ້າຂາເຂົ້າຂາອອກລະຫວ່າງຈີນ-ອາຊຽນ ເພື່ອຊຸກຍູ້ການແລກປ່ຽນດ້ານເສດຖະກິດການຄ້າກັບອາຊຽນ.
ອະນຸສັນຍາແລະເອກະສານທີ່ກ່ຽວຂ້ອງລະຫວ່າງຈີນແລະອາຊຽນກ່ຽວກັບການປັບປຸງ “ສັນຍາຂອບການຮ່ວມມືດ້ານເສດຖະກິດຮອບດ້ານຈີນ-ອາຊຽນ” ພ້ອມດ້ວຍຂໍ້ຕົກລົງສ່ວນໜຶ່ງພາຍໃຕ້ມາດຕາຕ່າງໆຂອງສັນຍາ ໄດ້ມີຜົນບັງຄັບໃຊ້ໃນວັນທີ 20 ສິງຫາຜ່ານມາ. ຈາກນີ້ ອົງການພາສີຈີນຈຶ່ງໄດ້ປະກາດວິທີຄຸ້ມຄອງໃໝ່ຕໍ່ແຫຼ່ງຜະລິດສິນຄ້າຂາເຂົ້າຂາອອກຕາມມາດຕາຕ່າງໆຂອງສັນຍາສະບັບນີ້.
ອີງຕາມຂໍ້ກຳນົດໃໝ່ສະບັບດັ່ງກ່າວ, ຕໍ່ໄປພາຍໜ້າ, ສຳລັບສິນຄ້າຂາເຂົ້າຂາອອກ ຂໍພຽງແຕ່ຖືກຕ້ອງຕາມ 1/3 ເງື່ອນໄຂ ກໍຈະໄດ້ຮັບການຮັບຮອງວ່າເປັນສິນຄ້າທີ່ມີແຫຼ່ງຜະລິດຕາມມາດຕາຕ່າງໆຂອງສັນຍາສະບັບດັ່ງກ່າວ, ເຊິ່ງ 3 ເງື່ອນໄຂດັ່ງກ່າວໄດ້ແກ່: ໄດ້ຮັບ ຫຼື ຜະລິດທັງໝົດຢູ່ຈີນຫຼືປະເທດໃດໜຶ່ງໃນອາຊຽນ; ຜະລິດດ້ວຍວັດຖຸດິບທີ່ສອດຄ່ອງກັບຂໍ້ກຳນົດດັ່ງກ່າວທັງໝົດຢູ່ຈີນຫຼືປະເທດໃດໜຶ່ງໃນອາຊຽນ; ເຖິງວ່າບໍ່ໄດ້ຮັບ ຫຼື ຜະລິດຢູ່ຈີນຫຼື ປະເທດໃດໜຶ່ງໃນອາຊຽນທັງໝົດກໍຕາມ ແຕ່ຖືກຕ້ອງຕາມເງື່ອນໄຂທີ່ກຳນົດໄວ້ໃນກໍລະນີພິເສດ ກໍຈະຖືກຮັບຮອງເຊັ່ນກັນ.
ຄຳເຫັນ
0