ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານເດີມີຕຣີ ເປສຄົຟ ຫົວໜ້າຫ້ອງການຖະແຫຼງຂ່າວທຳນຽບປະທານາທິບໍດີຣັດເຊຍກ່າວໃນວັນທີ 20 ສິງຫານີ້ວ່າ: ເມື່ອບໍ່ດົນມານີ້, ອາເມຣິກາໄດ້ທົດລອງຍິງຂີປະນາວຸດຄຣຸສແຜນທຳມະດາຈາກໜ້າດິນລູກໜຶ່ງ. ການກະທຳດັ່ງກ່າວຂອງອາເມຣິກາໄດ້ສະແດງໃຫ້ເຫັນວ່າ ອາເມຣິກາໄດ້ກະກຽມທຳລາຍ “ສົນທິສັນຍາວ່າດ້ວຍການທຳລາຍຂີປະນາວຸດໄລຍະໃກ້ແລະໄລຍະກາງ” ມາແຕ່ດົນແລ້ວ ເພາະວ່າ, ການກະກຽມເປັນເວລາຫຼາຍອາທິດກໍຄືຫຼາຍເດືອນກໍບໍ່ສາມາດທຳການທົດລອງຍິງຂີປະນາວຸດແບບນີ້ໄດ້ ເຊິ່ງເປັນການຢັ້ງຢືນອີກຄັ້ງໜຶ່ງວ່າ ການກະທຳແບບນີ້ຂອງອາເມຣິກາເປັນການທຳລາຍສົນທິສັນຍາດັ່ງກ່າວ ແຕ່ບໍ່ແມ່ນຝ່າຍຣັດເຊຍ.
ທ່ານເຊີແກ ລາບຣົຟ ລັດຖະມົນຕີກະຊວງການຕ່າງປະເທດຣັດເຊຍ ກໍໄດ້ໃຫ້ສຳພາດຕໍ່ສື່ມວນຊົນໃນວັນທີ 20 ສິງຫານີ້ວ່າ: ການກະທຳດັ່ງກ່າວຂອງອາເມຣິກາເປັນການກະກຽມມາແຕ່ດົນແລ້ວ ເຊິ່ງໄດ້ເລີ່ມຕົ້ນດຳເນີນການກະກຽມທີ່ກ່ຽວຂ້ອງມາແຕ່ດົນແລ້ວກ່ອນທີ່ “ສົນທິສັນຍາວ່າດ້ວຍການທຳລາຍຂີປະນາວຸດໄລຍະໃກ້ແລະໄລຍະກາງ” ຈະກາຍເປັນໂມຄະໃນວັນທີ 2 ສິງຫານີ້.
ຄຳເຫັນ
0