覃海芳

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
壮丽七十年奋斗新时代_fororder_760x250banner

ສຳ​ນັກ​ງານຜູ້​ຕາງ​ໜ້າ​ພິ​ເສດ​ກະ​ຊວງ​ການ​ຕ່າງ​ປະ​ເທດ​ຈີນ​ປະ​ຈຳ​ຮົງ​ກົງ​ເລັ່ງ​ທວງ​ໃຫ້​ກາ​ນາ​ດາ​ຢຸດ​ຕິ​ການ​ແຊກ​ແຊງວຽກ​ງານ​ຮົງ​ກົງ​ທັນ​ທີ

2019-08-22 17:40:17 cri

ຂ່າວ​ສານ​ຊິນ​ຮ​ວາ​ລາຍ​ງານ​ວ່າ: ແນ​ໃສ່​ກໍ​ລະ​ນີ​ທີ່​​ເມື່ອ​ມໍ່ໆ​ມາ​ນີ້, ນັກ​ການ​ເມືອງ​ຂອງ​ກາ​ນາ​ດາບໍ່​ເອົາ​ຫົວ​ຊາ​ຕໍ່​ການ​ຄັດ​ຄ້ານ​ຢ່າງ​ເດັດ​ດ່ຽວ​ຂອງ​ຈີນ,ແລ້ວ​​ສະ​ແດງ​ຄວາມ​ຄິດ​ເຫັນ​ຢ່າງ​ຜິດ​ພາດ​ກ່ຽວ​ກັບ​ຮົງ​ກົງ​ຢ່າງ​ຕໍ່​ເນື່ອງ, ​ໂຄ​ສົກສຳ​ນັກ​ງານ​​ຜູ້​ຕາງ​ໜ້າ​ພິ​ເສດ​ກະ​ຊວງ​ການ​ຕ່າງ​ປະ​ເທດ​ຈີນ​ປະ​ຈຳ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ກ່າວ​ໃນ​ວັນ​ທີ 22 ສິງ​ຫາ​ນີ້​ວ່າ: ກາ​ນາ​ດາ​ຕຳ​ໜິ​ວິ​ຈານ​ຢ່າງ​ຂາດ​ຄວາມ​ຮັບ​ຜິດ​ຊອບ​ຕໍ່​ວຽກ​ງານ​ຮົງ​ກົງ​ຊ້ຳ​ແລ້ວ​ຊ້ຳອີກ ​ເປັນ​ການ​ແຊກ​ແຊງວຽກ​ງານ​ຮົງ​ກົງ​ຢ່າງ​ບັງ​ອາດ, ສຳ​ນັກ​ງານ​​ຜູ້​ຕາງ​ໜ້າ​ພິ​ເສດ​ກະ​ຊວງ​ການ​ຕ່າງ​ປະ​ເທດ​ຈີນ​ປະ​ຈຳ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ກ່າວ​ສະ​ແດງ​ຄວາມ​ບໍ່​ພໍ​ໃຈ​ຢ່າງ​ຮຸນ​ແຮງ​ແລະ​ຄັດ​ຄ້ານ​ຢ່າງ​ເດັດ​ດ່ຽວ​ຕໍ່​ເລື່ອງ​ນີ້.
 

 ໂຄ​ສົກ​ທ່ານ​ນີ້​ຊີ້​ໃຫ້​ເຫັນ​ວ່າ: ​ຄວາມ​ຄິດ​ເຫັນ​ທີ່​ຜິດ​ພາດ​ຂອງ​ນັກ​ການ​ເມືອງ​ກາ​ນາ​ດາ​ທີ່​ເຫັນ​ວ່າການ​ກະ​ທຳ​ຜິດ​ກົດ​ໝາຍ​ດ້ວຍ​ການ​ໃຊ້​ກຳ​ລັງ​ຮຸນ​ແຮງ​ນັ້ນ ເປັນ​ການ​ໂຮມ​ຊຸມ​ນຸມ​ໂດຍ​ສັນ​ຕິ, ​ໂດຍ​ບໍ່​ເອົາ​ຫົວ​ຊາ​ຕໍ່​ການ​ປະ​ຕິ​ບັດ​ໜ້າ​ທີ່​ຂອງ​ກອງ​ຕຳຫຼວດ​ຮົງ​ກົງ​ໃນ​ການ​ລົງ​ໂທດ​​ຕາມ​ກົດ​ໝາຍ​ຕໍ່ການ​ກະ​ທຳ​ທີ່​ໃຊ້​ກຳ​ລັງ​ຮຸນ​ແຮງ, ແລ້ວ​​ສະ​ແດງ​ທ່າ​ທີ​ທີ່​ມີ​ເຈດ​ຕະ​ນາ​ບໍ່​ດີ​ວ່າ ທຸກ​ຝ່າຍ​ຄວນ​ຮັກ​ສາ​ຄວາມ​ອົດ​ທົນ​ອົດ​ກັ້ນ. ເຊິ່ງ​ຖ້ອຍ​ຄຳ​ອັນ​ຜິດ​ພາດ​ທີ່​ບໍ່​ຈຳ​ແນກ​​ຖືກ​ຜິດແລະ​ປິ້ນ​ຂາວ​ເປັນ​ດຳ​ນັ້ນ ທາດ​ແທ້​ແລ້ວ​ແມ່ນ​ເປັນ​ການ​ສະ​ໜັ​ບ​ສະ​ໜູນ​ພວກກ​ະ​ທຳ​ຜິດ​ກົດ​ໝາຍ​ດ້ວຍ​ການ​ໃຊ້​ກຳ​ລັງ​ຮຸນ​ແຮງ.
 

 ໂຄ​ສົກ​ທ່ານ​ນີ້​ກ່າວ​ເນັ້ນ​ຕື່ມ​ວ່າ: ຮົງ​ກົງ​ເປັນ​ດິນ​ແດນ​ຂອງ​ຈີນ, ວຽກ​ງານ​ຮົງ​ກົງ​ເປັນ​ວຽກ​ງານ​ພາຍ​ໃນ​ຂອງ​ຈີນ ເຊິ່ງ​ເດັດ​ຂາດ​ບໍ່​ອະ​ນຸ​ຍາດ​ໃຫ້​ຕ່າງ​ປະ​ເທດ, ອົງ​ການ​ຈັດ​ຕັ້ງ​ແລະ​ບຸກ​ຄົນ​ໃດໆ​ເຂົ້າ​ມາ​ແຊກ​ແຊງ. ພວ​ກ​ເຮົາ​ເລັ່ງ​ທວງ​ອີກ​ຄັ້ງ​ໃໝ່​ໃຫ້​ປະ​ເທດ​​ກໍ​ຄື​ການ​ເມືອງ​ທີ່​ກ່ຽວ​ຂ້ອງ​ຈົ່ງ​​ເຂົ້າ​ໃຈ​ຖາ​ນະ​ບົດ​ບາດຂອງ​ຕົນ​ຢ່າງ​ຖືກ​ຕ້ອງ, ຢຸດ​ຕິ​ການ​ກະ​ທຳ​ທີ່​ເປັນ​ອັນ​ຕະ​ລາຍ, ເຄົາ​ລົບ​ແລະ​ປະ​ຕິ​ບັດ​ຕາມ​ກົດ​ໝາຍ​ສາ​ກົນ​ແລະ​ຫຼັກ​ການແຫ່ງ​ການ​ພົວ​ພັນ​ລະ​ຫວ່າງ​ຊາດ, ຢຸດ​ຕິ​ການ​ສວຍ​ໃຊ້​ວຽກ​ງານ​ຂອງ​ຮົງ​ກົງ​​ເພື່ອ​ສ້າງຄ່າ​ນິ​ຍົມ​ໃຫ້​ກັບຕົນ​ນັ້ນ​ທັນ​ທີ.

ຄຳ​ເຫັນ

0