ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 21 ສິງຫານີ້, ທ່ານເດວິດ ເຮວ ຮອງລັດຖະມົນຕີກະຊວງການຕ່າງປະເທດອາເມຣິກາໄດ້ຈັດການເຈລະຈາກົນໄກ “C5+1” ກັບລັດຖຸະມົນຕີກະຊວງການຕ່າງປະເທດ 5 ປະເທດອາຊີກາງຢູ່ນະຄອນຫຼວງເນີ ຊູນຕັນປະເທດກາຊັກສະຖານ.
ການເຈລະຈາຄັ້ງນີ້ໄດ້ຈັດຂຶ້ນໃນຮູບແບບເປັນການພາຍໃນ. ຂ່າວສານກາຊັກສະຖານໄດ້ລາຍງານວ່າ: ຫົວຂໍ້ຕົ້ນຕໍຂອງການເຈລະຈາຄັ້ງນີ້ແມ່ນ “ການຮັກສາຄວາມໝັ້ນຄົງດ້ານເສດຖະກິດໃນພາກພື້ນ ແລະການພົວພັນຄູ່ຮ່ວມມື", “ສັນຕິພາບໃນອັບການິສະຖານ” ແລະ “ຮັບປະກັນຄວາມໝັ້ນຄົງໃນອາຊີກາງ” ບັນດາຝ່າຍທີ່ເຂົ້າຮ່ວມຍັງໄດ້ປຶກສາຫາລືເຖິງການເຊື່ອມໂຍງການພັດທະນາພື້ນຖານໂຄງລ່າງ ແລະການຂົນສົ່ງຂ້າມຊາດໃນເຂດອາຊີກາງ.
ວັນທີ 20 ສິງຫານີ້, ທ່ານເຮວໄດ້ເດີນທາງເຖິງກາຊັກສະຖານ ແລະດຳເນີນການຢ້ຽມຢາມຢ່າງເປັນທາງການ. ທ່ານໄດ້ພົບປະຫາລືກັບທ່ານຄາຊີມ ໂຈມາດ ໂຕກາເຢຟ ປະທານາທິບໍດີກາຊັກສະຖານກ່ຽວກັບບັນຫາຕ່າງໆ ເຊັ່ນ: ການເພີ່ມທະວີສາຍພົວພັນຄູ່ຮ່ວມຍຸດທະສາດລະຫວ່າງສອງປະເທດ, ຊຸກຍູ້ການຮ່ວມມືຕ້ານການກໍ່ການຮ້າຍ, ການຟື້ນຟູສັງຄົມອັບການິສະຖານຄືນໃໝ່ ແລະອື່ນໆ. ວັນທີ 22 ສິງຫານີ້, ທ່ານເຮວຈະເດີນທາງເຖິງອຸສະເບກິສະຖານ ແລະຈະດຳເນີນການຢ້ຽມຢາມເປັນເວລາ 2 ວັນ.
ຄຳເຫັນ
0