ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວສານຊີນຮວາ: ວັນທີ 21 ສິງຫານີ້, ທ່ານຫຼີຊູ້ມິງ ຮອງຫົວໜ້າກົມປ່າໄມ້ແລະທົ່ງຫຍ້າແຫ່ງຊາດຈີນກ່າວວ່າ: ປະເທດຈີນຈະໃຊ້ມາດຕະການອະນຸລັກໃນລະດັບສູງ, ຄຸ້ມຄອງຢ່າງເຄັ່ງຄັດທີ່ສຸດ, ແລະມາດຕະການຟື້ນຟູທີ່ຮອບດ້ານກວ່າເກົ່າເພື່ອເພີ່ມທະວີການອະນຸລັກແລະຟື້ນຟູປ່າໄມ້ທຳມະຊາດ.
ທ່ານຫຼີຊູ້ມິງໄດ້ກ່າວໃນພິທີຖະແຫຼງຂ່າວທີ່ຫ້ອງການຖະແຫຼງຂ່າວຂອງລັດຖະບານຈີນຈັດຂຶ້ນໃນວັນທີ 21 ສິງຫານີ້ວ່າ: ປັດຈຸບັນ, ຈີນມີຊັບພະຍາກອນປ່າໄມ້ທຳມະຊາດ 197,7 ລ້ານເຮັກຕາ, ກວມເນື້ອທີ່ປ່າໄມ້ທົ່ວປະເທດຫຼາຍກວ່າ 64%, ແລະກວມຊັບພະຍາກອນໄມ້ທ່ອນຫຼາຍກວ່າ 83%. ປ່າໄມ້ທຳມະຊາດແມ່ນສ່ວນປະກອບທີ່ສຳຄັນທີ່ສຸດຂອງຊັບພະຍາກອນປ່າໄມ້, ການອະນຸລັກປ່າໄມ້ທຳມະຊາດແມ່ນຄວາມຈຳເປັນທີ່ສຸດໃນການສ້າງສາປະເທດໃຫ້ສວຍສຸດງົດງາມ.
ທ່ານກ່າວຕື່ມວ່າ: ແຕ່ປີ 1998 ເປັນຕົ້ນມາ, ຈີນໄດ້ເລີ່ມທົດລອງໂຄງການອະນຸລັກປ່າໄມ້ທຳມະຊາດໃນບາງທ້ອງຖິ່ນ. “ໃນ 20 ກວ່າປີມານີ້, ການເຕີບໂຕໃນການຟື້ນຟູຊັບພະຍາກອນປ່າໄມ້ທຳມະຊາດແມ່ນໄວຫຼາຍ, ໂດຍເນື້ອທີ່ປ່າໄມ້ທຳມະຊາດທົ່ວປະເທດໄດ້ເພີ່ມຂຶ້ນຫຼາຍເຖິງ 28,5 ລ້ານເຮັກຕາ, ຊັບພະຍາກອນໄມ້ທ່ອນທີ່ເປັນຕົ້ນໄມ້ທຳມະຊາດເພີ່ມຂຶ້ນ 3,775 ຕື້ແມັດກ້ອນ.” ຮອດທ້າຍປີ 2018, ອັດຕາການປົກຫຸ້ມຂອງປ່າໄມ້ຢູ່ຈີນໄດ້ບັນລຸເຖິງ 22,96%. ຄວາມສາມາດໃນດ້ານຮັກສາດິນແລະນ້ຳຂອງປ່າໄມ້ໄດ້ເພີ່ມຂຶ້ນຢ່າງເດັ່ນຊັດ, ສະພາບແວດລ້ອມການດຳລົງຊີວິດຂອງສັດແລະພືດປ່າໄດ້ຮັບການຟື້ນຟູແລະອະນຸລັກໃຫ້ດີຂຶ້ນຢ່າງຫຼວງຫຼາຍ.
ຄຳເຫັນ
0