ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພາກສ່ວນທີ່ກ່ຽວຂ້ອງທີ່ຮັບຜິດຊອບການຄຸ້ມຄອງການນຳເຂົ້າຂີ້ເຫຍື້ອວັດຖຸແຂງຂອງຈີນໄດ້ເປີດເຜີຍຕົວເລກຂໍ້ມູນໃນຫວ່າງມໍ່ໆນີ້ໂດຍສະແດງໃຫ້ເຫັນວ່າ:ໃນ 6 ເດືອນຕົ້ນປີນີ້,ປະລິມານການນຳເຂົ້າຂີ້ເຫຍື້ອວັດຖຸແຂງຂອງທົ່ວປະເທດ 7,286 ລ້ານໂຕນ,ຫຼຸດລົງ 28,1% ເມື່ອທຽບໃສ່ໄລຍະດຽວກັນຂອງປີກາຍ,ເຊິ່ງສະແດງໃຫ້ເຫັນວ່າວຽກງານກ່ຽວກັບການເພີ່ມທະວີການຄວບຄຸມແລະຄຸ້ມຄອງ “ຂີ້ເຫຍື້ອຈາກຕ່າງປະເທດ” ເຂົ້າແດນຜິດກົດໝາຍໄດ້ຮັບປະສິດທິຜົນຕົວຈິງ.
ອີງຕາມຕົວເລກຂອງອົງການສະຫະປະຊາຊາດ,ແຕ່ປີ 1992 ເປັນຕົ້ນມາ,ຈີນໄດ້ຮັບຂີ້ເຫຍື້ອເກືອບເຄິ່ງໜຶ່ງຂອງທົ່ວໂລກ. ເຊິ່ງ 4 ອັນດັບຕົ້ນຕໍແຫຼ່ງທີ່ມາຂອງຂີ້ເຫຍື້ອຈາກຕ່າງປະເທດເຫຼົ່ານີ້ແມ່ນອາເມຣິກາ,ເອີຣົບ,ຍີ່ປຸ່ນແລະອົສຕຣາລີ.
ໃນເດືອນມິຖຸນາປີ 2018, ລັດຖະບານຈີນໄດ້ເຜີຍແຜ່ເອກະສານ “ຄວາມເຫັນຂອງລັດຖະບານຈີນກ່ຽວກັບການເພີ່ມທະວີການອະນຸລັກລະບົບນິເວດແລະເອົາຊະນະໃນບັ້ນການປ້ອງກັນແລະແກ້ໄຂບັນຫາມົນລະພິດຢ່າງຮອບດ້ານ”,ໃນນັ້ນ,ໃນດ້ານການກຳນົດວຽກປ້ອງກັນແລະແກ້ໄຂບັນຫາມົນລະພິດຈາກຂີ້ເຫຍື້ອວັດຖຸແຂງ,ບໍ່ອະນຸຍາດໃຫ້ຂີ້ເຫຍື້ອຍຕ່າງປະເທດເຂົ້າແດນຢ່າງເດັດຂາດ,ປາບປາມການຄ້າຂາຍເຖື່ອນຢ່າງເຄັ່ງຄັດ,ຫຼຸດປະລິມານແລະປະເພດການນຳເຂົ້າຂີ້ເຫຍື້ອວັດຖຸແຂງໃຫ້ໜ້ອຍລົງຢ່າງຫຼວງຫຼາຍ,ພະຍາຍາມສຸດຂີດບັນລຸເປົ້າໝາຍປອດການນຳເຂົ້າຂີ້ເຫຍື້ອວັດຖຸແຂງໂດຍພື້ນຖານກ່ອນທ້າຍປີ 2020. ຂະນະດຽວກັນ,ຈີນຍັງໄດ້ຍົກລະດັບເຕັກນິກດ້ານການບຳບັດຂີ້ເຫຍື້ອຂອງຕົນໃຫ້ສູງຂຶ້ນຢ່າງບໍ່ຢຸດຢັ້ງ.
ຄຳເຫັນ
0