吴佳萱

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ທ່ານ​ອັບ​ດາລາ ຮາມ​ໂດກ​ສາບານ​ຕົວ​ດຳລົງ​ຕຳ​ແໜ່​ງ​ເປັນ​ນາຍົກລັດຖະມົນຕີລັດຖະບານ​ເພື່ອ​ການ​ປ່ຽນ​ຜ່ານ​ຂອງຊູດັງ

2019-08-22 17:44:20 cri

ວັນ​ທີ 21 ສິງຫາ​ນີ້, ທ່ານ​ອັບ​ດາລາ ຮາມ​ໂດກ ນັກ​ເສດຖະສາດ​ໄດ້​ສາບານ​ຕົວ​ດຳລົງ​ຕຳ​ແໜ່​ງ​ເປັນ​ນາຍົກລັດຖະມົນຕີລັດຖະບານ​ເພື່ອ​ການ​ປ່ຽນ​ຜ່ານ​ຂອງ​ຊູດັງ​ຢູ່​ທຳ​ນຽບປະທານ​າທິບໍດີ​ໃນນະຄອນຫຼວງ​ກາກ​ຕູມ. ຄາດ​ວ່າ​ທ່ານ​ຈະ​ສຳ​ເລັດ​ການ​ຈັດ​ຕັ້ງ​ລັດຖະບານ​ເພື່ອ​ການ​ປ່ຽນ​ຜ່ານ​ໃນ​ວັນ​ທີ 28 ສິງຫາ​ນີ້.

ທ່ານ​ຮາມ​ໂດ​ກ​​ໄດ້​ກ່າວ​ຕໍ່​ກອງ​ປະຊຸມ​ຖະ​ແຫຼ​ງຂ່າວ​ທີ່​ຈັດຂຶ້ນ​ພາຍຫຼັງ​ພິທີ​ສາບານ​ຕົວ​ວ່າ: ໜ້າ​ທີ່​ຕົ້ນຕໍ​ຂອງ​ລັດຖະບານ​ນີ້​ແມ່ນ​ເພື່ອ​ຢຸດ​ຢັ້ງ​ສົງຄາມ, ບັນລຸ​ສັນຕິ​ພາບ​ແບບຖາວອນ ​ແລະ​ພັດທະນາ​ເສດຖະກິດ​ຂອງ​ຊາດ​​ໃຫ້​ເຂັ້ມ​ແຂງ​ບົນ​ພື້ນຖານ​ການ​ພັດທະນາການ​ຜະລິດ. ລັດຖະບານຕົນຈະ​ພະຍາຍາມ​ປະຕິ​ຮູບ​ອົງການ​​ລັດ, ຕ້ານ​ການ​ສໍ້​ລາດ​ບັງ​ຫຼວງ ​ແລະ​ສ້າງ​ປະ​ເທດ​ທີ່ປົກ​ຄອງ​ດ້ວຍ​ກົດໝາຍ.

​​​ໃນ​ມື້​ດຽວ​ກັນ​ກ່ອນ​ໜ້າ​ນັ້ນ​ບໍ່​ດົນ, ທ່ານ​ອັບ​​ເດ​ວ ຟາ​ຕາ ​ເບີ​ຮານ​ໄດ້​ສາ​ບານ​ຕົວ​ດຳ​ລົງ​ຕຳ​ແໜ່​ງ​ເປັນ​ປະທານ​ຄະນະ​ກຳມະການ​​ອຳ​ນາດ​ອະທິປະ​ໄຕ​ປະສົມ, ສ່ວນ​ເຈົ້າ​ໜ້າ​ທີ່​ຂັ້ນ​ສູງ​ຄົນ​ອື່ນໆຂອງ​ຄະນະ​ກຳມະການດັ່ງກ່າວ​ໄດ້​ສາບານ​ຕົວ​ດຳລົງ​ຕຳ​ແໜ່​ງ​ໃນ​ມື້​ດຽວ​ກັນ. ​ເມື່ອຄະນະ​ກຳມະການ​ອຳ​ນາດອະທິປະ​ໄຕ​ປະສົມ​ສ້າງ​ຕັ້ງ​ຂຶ້ນ​ແລ້ວ​, ຄະນະ​ກຳມະການ​ການ​ທະຫານ​​ເພື່ອ​ການ​ປ່ຽນ​ຜ່ານ​ຂອງ​ຊູ​ດັງ​ກໍ​ຈະ​ຖືກ​ຍຸບ​ໄປ​ໃນ​ໂຕ.

ຄຳ​ເຫັນ

0