ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນະຄອນຊົງໂຈ ເປັນເມືອງໃຫຍ່ດ້ານການຄ້າຊາຍແດນຂອງຈີນ, ຫວ່າງມໍ່ໆມານີ້ ນະຄອນດັ່ງກ່າວ ໄດ້ຊຸກຍູ້ການສ້າງພື້ນຖານໂຄງລ່າງດ້ານການເຊື່ອມຈອດກັນແລະ ລະບົບຈໍລະຈອນສິນຄ້າຂ້າມຊາດ ເພື່ອສ້າງເປັນເຄືອຂ່າຍຄົມມະນາຄົມ-ຂົນສົ່ງຫຼາຍຮູບແບບທີ່ທັນສະໄໝ ເຊິ່ງເຊື່ອມຕໍ່ກັບປະເທດຢູ່ລຽບຕາມ “ໜຶ່ງແລວໜຶ່ງເສັ້ນທາງ”. ປີ 2018 ການຄ້າກັບພາຍນອກຂອງທົ່ວນະຄອນ ໄດ້ບັນລຸ 22,36 ຕື້ໂດລາ ໃນນັ້ນ, ການຄ້າຊາຍແດນລາຍຍ່ອຍ ກວມເກືອບ 30% ຂອງທົ່ວປະເທດ.
ວັນທີ 21 ສິງຫານີ້, ທາງການນະຄອນຊົງໂຈ ໄດ້ແຈ້ງໃຫ້ຊາບໃນກອງປະຊຸມຂ່າວກ່ຽວກັບສະພາບການພັດທະນາເສດຖະກິດ-ສັງຄົມຂອງນະຄອນດັ່ງກ່າວ, ໂດຍທ່ານ ເຮີລຽງຈູ່ນ ເຈົ້າຄອງນະຄອນດັ່ງກ່າວໃຫ້ຮູ້ວ່າ: ຍ້ອນໄດ້ເພີ່ມທະວີການສ້າງພື້ນຖານໂຄງລ່າງຢູ່ດ່ານຊາຍແດນຢ່າງບໍ່ຢຸດຢັ້ງ, ເຮັດໃຫ້ 4 ເມືອງຊາຍແດນໄດ້ມີດ່ານປະເພດໜຶ່ງທັງໝົດ, ເຮັດໃຫ້ນະຄອນຕົນຖືກຈັດເຂົ້າໃນຕົວເມືອງສູນກາງດ້ານການຈໍລະຈອນສິນຄ້າລະດັບຊາດຜ່ານດ່ານຊາຍແດນທາງບົກ. ໃນນັ້ນ, ດ່ານມິດຕະພາບໄດ້ເປີດໃຫ້ບໍລິການເປັນປົກກະຕິໃນທ້າຍອາທິດແລະວັນພັກລັດຖະການ ແລະ ການຜ່ານດ່ານແບບອັດສະລິຍະກ່ອນໝູ່ໃນບັນດາດ່ານຊາຍແດນທາງບົກທົ່ວປະເທດຈີນ
ຄຳເຫັນ
0