ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
CRI ລາຍງານວ່າ: ວັນທີ 28 ສິງຫານີ້, ທ່ານສີຈິ້ນຜິງ ປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງທ່ານອັບດູນລາ ອາຣີປົຟ ນາຍົກລັດຖະມົນຕີອຸສເບກີສະຖານຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ.
ໃນໂອກາດດັ່ງກ່າວ, ທ່ານສີຈິ້ນຜິງກ່າວວ່າ: ສາຍພົວພັນຈີນ-ອຸສເບກີສະຖານໄດ້ບັນລຸການພັດທະນາແບບກ້າວກະໂດດຂັ້ນຢ່າງບໍ່ຢຸດຢັ້ງ, ການເສີມຂະຫຍາຍສາຍພົວພັນຄູ່ຮ່ວມຍຸດທະສາດຮອບດ້ານຈີນ-ອຸສເບກີສະຖານສອດຄ່ອງກັບຜົນປະໂຫຍດພື້ນຖານຂອງສອງປະເທດກໍຄືປະຊາຊົນສອງຊາດ, ຂໍພຽງແຕ່ຮັກສາສາຍພົວພັນສອງປະເທດໃຫ້ຂະຫຍາຍຕົວໄປຕາມເສັ້ນທາງທີ່ຖືກຕ້ອງ, ເປົ້າໝາຍການຮ່ວມມືທຸກຢ່າງທີ່ສອງຝ່າຍກຳນົດໄວ້ນັ້ນຍ່ອມຈະສາມາດບັນລຸຜົນເປັນຈິງໄດ້ແນ່ນອນ. ສອງຝ່າຍຄວນສືບຕໍ່ຊຸກຍູ້ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ຢ່າງມີຄຸນນະພາບສູງ, ເພີ່ມທະວີການເຊື່ອມຕໍ່ກັນລະຫວ່າງຍຸດທະສາດການພັດທະນາຂອງສອງປະເທດ. ຈີນຍິນດີເພີ່ມການນຳເຂົ້າຜະລິດຕະພັນກະສິກຳທີ່ມີຄຸນນະພາບດີຈາກອຸສເບກີສະຖານ ແລະຍິນດີຕ້ອນຮັບອຸສເບກີສະຖານເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 ໃນຖານະເປັນປະເທດກິດຕິມະສັກ.
ທ່ານອາຣິປົຟ ກ່າວວ່າ: ຈີນເປັນປະເທດບ້ານໃກ້ເຮືອນຄຽງແລະຄູ່ຮ່ວມມືທີ່ສະໜິດສະໜົມແລະເຊື່ອໃຈໄດ້ທີ່ສຸດຂອງອຸສເບກີສະຖານ. ອຸສເບກີສະຖານຈະຮ່ວມກັບຈີນຈັດຕັ້ງປະຕິບັດຄວາມເຫັນເປັນເອກະພາບກັນທີ່ສຳຄັນ ເຊິ່ງປະມຸກລັດສອງປະເທດໄດ້ຕົກລົງຮ່ວມກັນນັ້ນຢ່າງເດັດດ່ຽວໜຽວແໜ້ນ. ອຸສເບກີສະຖານເດັດດ່ຽວສະໜັບສະໜູນຈີນປົກປ້ອງອະທິປະໄຕ, ຄວາມໝັ້ນຄົງແລະຄວາມເປັນເອກະພາບຂອງຊາດ, ຍິນດີຕັ້ງໜ້າປະສານສົມທົບກັບຈີນໃນການປາບປາມ ອິດທິກຳລັງແບ່ງແຍກຊາດ, ອິດທິກຳລັງຫົວຮຸນແຮງດ້ານສາສະໜາແລະອິດທິກຳລັງກໍ່ການຮ້າຍດ້ວຍຄວາມຮຸນແຮງ.
ຄຳເຫັນ
0