ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກັນຍານີ້, ທຳນຽບປະທານາທິບໍດີອັຟການີສະຖານໄດ້ອອກຖະແຫຼງການວ່າ: ມີແຕ່ຕາລີບັນຮັບເອົາຂໍ້ສະເໜີຢຸດຍິງແລະສົນທະນາກັບລັດຖະບານອັຟການີສະຖານໂດຍກົງເທົ່ານັ້ນ, ສັນຕິພາບຈິ່ງຈະບັນລຸຜົນເປັນຈິງໄດ້.
ຖະແຫຼງການໄດ້ລະບຸວ່າ:“ອຸປະສັກໃນການບັນລຸສັນຕິພາບຢູ່ອັຟການີສະຖານແມ່ນຍ້ອນຕາລີບັນກໍ່ສົງຄາມແລະເຄື່ອນໄຫວຮຸນແຮງຢ່າງບໍ່ຢຸດຢັ້ງ. ເວັ້ນເສຍແຕ່ຕາລີບັນຢຸດຕິການຂ້າຟັນລັນແທນ, ຮັບເອົາຂໍ້ສະເໜີຢຸດຍິງ, ແລະເລີ່ມສົນທະນາໂດຍກົງກັບລັດຖະບານອັຟການີສະຖານ, ຖ້າບໍ່ດັ່ງນັ້ນ, ອັຟການີສະຖານຈະບໍ່ສາມາດບັນລຸສັນຕິພາບຢ່າງແທ້ຈິງໄດ້.”
ລັດຖະບານອັຟການີສະຖານກ່າວຕື່ມວ່າ, ຖ້າບໍ່ມີການເຂົ້າຮ່ວມຂອງຄະນະຜູ້ແທນລັດຖະບານອັຟການີສະຖານ, ການເຈລະຈາສັນຕິພາບໃດໆກໍ່ບໍ່ສາມາດບັນລຸຜົນໄດ້ຕາມຄາດໝາຍ. ກ່ອນໜ້ານີ້, ລັດຖະບານອາເມຣິກາໄດ້ຈັດການເຈລະຈາສັນຕິພາບຫຼາຍເທື່ອກັບຕາລີບັນແລ້ວ, ສອງຝ່າຍໄດ້ຕົກລົງສັນຍາສະບັບຮ່າງ. ຕາລີບັນເຫັນວ່າລັດຖະບານອັຟການີສະຖານແມ່ນ “ລັດຖະບານຫຸ່ນ” ຂອງອາເມຣິກາ, ສະນັ້ນຈຶ່ງປະຕິເສດການສົນທະນາໂດຍກົງກັບລັດຖະບານ. ກ່ອນນີ້ບໍ່ດົນ, ກ່ອນເວລາທີ່ທຳນຽບປະທານາທິບໍດີອັຟການີສະຖານອອກຖະແຫຼງການ, ທ່ານໂດໂນ ທຣຳ ປະທານາທິບໍດີອາເມຣິກາໄດ້ປະກາດວ່າໄດ້ຍົກເລີກການເຈລະຈາສັນຕິພາບກັບຕາລີບັນ.
ຄຳເຫັນ
0