ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ທ່ານອາຣິຟ ອານວີ ປະທານາທິບໍດີປາກີສະຖານໄດ້ຕ້ອນຮັບການເຂົ້າຢ້ຽມຄຳນັບຂອງທ່ານຫວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໃນວັນທີ 8 ກັນຍານີ້ຢູ່ທຳນຽບປະທານາທິບໍດີ ຢູ່ນະຄອນຫຼວງອິສລາມາບັດ.
ທ່ານອາຣິຟ ອານວີ ໄດ້ຝາກຄວາມຢື້ຢາມຖາມຂ່າວອັນສະໜິດສະໜົມເຖິງທ່ານປະທານສີຈິ້ນຜິງ ໂດຍຜ່ານທ່ານຫວາງຢີ້ ແລະ ກ່າວວ່າ: ປາກີສະຖານສະແດງຄວາມຂອບໃຈຢ່າງຈິງໃຈຕໍ່ຝ່າຍຈີນທີ່ໄດ້ໃຫ້ການສະໜັບສະໜູນຢ່າງແຂງແຮງແລະຊ່ວຍເຫຼືອທີ່ບໍ່ຮຽກຄ່າຕອບແທນແກ່ປະກີສະຖານໃນດ້ານຕ່າງໆເປັນເວລາດົນນານມາແລ້ວ. ປາກີສະຖານຂໍອວຍພອນໃຫ້ຈີນຈົ່ງໄດ້ປະສົບຄວາມສຳເລັດໃໝ່ຢ່າງບໍ່ຢຸດຢັ້ງໃນການສ້າງສາແລະພັດທະນາປະເທດຕົນ, ບໍ່ວ່າກົນອຸບາຍໃດໆທີ່ມີເຈຕະນາໂດດດ່ຽວຈີນ ແລະ ສະກັດກັ້ນການພັດທະນາຂອງຈີນ ລ້ວນແຕ່ຈະຖືກປາກີສະຖານຄັດຄ້ານ ແລະ ກໍຈະປະສົບຄວາມຫຼົ້ມເຫຼວຢ່າງແນ່ນອນ. ປາກີສະຖານຍິນດີລົງເລິກການຮ່ວມມືກັບຈີນໃນດ້ານການຕໍ່ຕ້ານລັດທິກໍ່ການຮ້າຍ.
ທ່ານຫວາງຢີ້ ໄດ້ສົ່ງຄວາມຢື້ຢາມຖາມຂ່າວອັນສະໜິດສະໜົມຂອງທ່ານປະທານສີຈິ້ນຜິງເຖິງທ່ານອາຣິຟ ອານວີ ແລະ ສະແດງຄວາມຂອບໃຈຕໍ່ປາກີສະຖານທີ່ຢືນຄຽງບ່າຄຽງໄຫຼ່ກັບຈີນຢ່າງເດັດດ່ຽວໜຽວແໜ້ນໃນບັນຫາທີ່ກ່ຽວພັນເຖິງຜົນປະໂຫຍດຕົ້ນຕໍຂອງຈີນ ເຊັ່ນ: ບັນຫາໄຕ້ຫວັນ, ບັນຫາຮົງກົງ, ບັນຫາຊິ່ນຈ່ຽງ ແລະບັນຫາອື່ນໆ. ຂະນະທີ່ຈີນຈະສືບຕໍ່ສະໜັບສະໜູນປາກີສະຖານຢ່າງເດັດດ່ຽວໜຽວແໜ້ນເຊັ່ນກັນໃນການປົກປັກຮັກສາອະທິປະໄຕ, ກຽດສັກສີ ແລະ ຜືນແຜ່ນດິນອັນຄົບຖ້ວນຂອງຊາດ ແລະ ປົກປັກຮັກສາສິດແລະຜົນປະໂຫຍດອັນເປັນທຳແລະຖືກຕ້ອງຕາມກົດໝາຍຂອງຕົນ.
ຄຳເຫັນ
0