ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ກັນຍານີ້, ພາກສ່ວນກ່ຽວຂ້ອງຂອງສ.ເກົາຫຼີຢືນຢັນວ່າ: ວັນທີ 7 ກັນຍາຜ່ານມາ, ລົມພາຍຸໄຕ້ຝຸ່ນ “ລິງລິງ”ໄດ້ພັດເຂົ້າຫຼາຍເຂດຂອງສ.ເກົາຫຼີ, ເຮັດໃຫ້ 3 ຄົນເສຍຊີວິດ, 20 ກວ່າຄົນບາດເຈັບ, ຫຼາຍກວ່າ 160 ພັນຄອບຄົວຂາດໄຟຟ້າໃຊ້ໃນໄລຍະໜຶ່ງ, ອົງການກ່ຽວຂ້ອງໄດ້ອອກແຮງສ້ອມແປງແລະຟື້ນຟູຢ່າງເຕັມກຳລັງໃນວັນທີ 8 ກັນຍານີ້.
ສື່ມວນຊົນສ.ເກົາຫຼີໄດ້ອ້າງອີງຕາມຂໍ້ມູນຈາກອົງການຮັບມືກັບໄພພິບັດຂອງສູນກາງລາຍງານວ່າ: ນັບມາຮອດເວລາ 23 ໂມງຂອງວັນທີ 7 ກັນຍານີ້, ລົມແຮງແລະຝົນຕົກໜັກຍ້ອນລົມພາຍຸໄຕ້ຝຸ່ນໄດ້ເຮັດໃຫ້ຫຼາຍເຂດຂອງສ.ເກົາຫຼີໄດ້ເກີດອຸບັດຕິເຫດຫຼາຍກວ່າຮ້ອຍຄັ້ງ, ເຊິ່ງລວມທັງຕົ້ນໄມ້ຫັກລົ້ມແລະຝາເຮືອນເພພັງ. ອົງການອຸຕຸນິຍົມສ.ເກົາຫຼີຢືນຢັນວ່າ, ຈຸດໃຈກາງໄຕ້ຝຸ່ນໄດ້ເຄື່ອນຍ້າຍເຂົ້າສູ່ ສປປ.ເກົາຫຼີໃນຕອນບ່າຍວັນທີ 7 ກັນຍານີ້.
ຄຳເຫັນ
0