ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຂໍ້ມູນທີ່ອົງການສິຖິຕິແຫ່ງຊາດຈີນເປີດເຜີຍໃນວັນທີ 10 ກັນຍານີ້ສະແດງໃຫ້ເຫັນວ່າ, ເດືອນສິງຫາປີນີ້, ດັດສະນີລາຄາຜູ້ບໍລິໂພກ ຫຼື CPI ຂອງຈີນໄດ້ເພີ່ມຂຶ້ນ 2,8% ເມື່ອທຽບໃສ່ເດືອນສິງຫາປີຜ່ານມາ ແລະ ມີຈັງຫວະເພີ່ມຂຶ້ນເທົາກັບເດືອນກໍລະກົດ.
ລາຄາຂອງ 8 ປະເພດສິນຄ້າແລະບໍລິການທີ່ນອນຢູ່ໃນບັນຊີ CPI ມີ 7 ປະເພດເພີ່ມຂຶ້ນ ແລະ 1 ປະເພດຫຼຸດລົງ. ເດືອນສິງຫາປີນີ້, ລາຄາອາຫານ, ຢາສູບ ແລະ ເຫຼົ້າໄດ້ເພີ່ມຂຶ້ນ 7,3% ເມື່ອທຽບໃສ່ເດືອນສິງຫາປີຜ່ານມາ ເຊິ່ງເຮັດໃຫ້ CPI ເພີ່ມຂຶ້ນປະມານ 2,14%. ໃນນັ້ນ, ລາຄາຊີ້ນສັດໄດ້ເພີ່ມຂຶ້ນ 30,9%, ລາຄາໝາກໄມ້ສົດເພີ່ມຂຶ້ນ 24%, ລາຄາຊີ້ນສັດປີກເພີ່ມຂຶ້ນ 9,6% ແລະ ລາຄາໄຂ່ໄກ່ເພີ່ມຂຶ້ນ 3,8%. ນອກນີ້, ລາຄາຜັກສົດຫຼຸດລົງ 0,8% ແລະ ຫຼຸດລົງເປັນຄັ້ງທຳອິດພາຍຫຼັງໄດ້ເພີ່ມຂຶ້ນເປັນ 18 ເດືອນລຽນຕິດ.
ຄຳເຫັນ
0