ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເບື້ອງຫຼັງຂ່າວ: ໃນໄລຍະເປີດສົກຮຽນໃໝ່, ລົດຕູ້ຮັບສົ່ງນັກຮຽນແບບອັດສະລິຍະໄດ້ຖືກນຳໃຊ້ຢູ່ໂຮງຮຽນຫຼາຍແຫ່ງຢູ່ເມືອງຊົງຢ໋າງແຂວງຮູເປີຍ ເຊິ່ງລົດຕູ້ເຫຼົ່ານີ້ໄດ້ຕິດຕັ້ງລະບົບສະແກນບັດນັກຮຽນຍາມຂຶ້ນລົງລົດ ແລະ ລະບົບກວດຊີບພະຈອນແສງອິນຟຣາເຣດ. ຖ້າມີນັກຮຽນຍັງບໍ່ທັນໄດ້ລົງລົດໝົດ, ລະບົບດັ່ງກ່າວຈະເຕືອນໄພຢ່າງອັດຕະໂນມັດ ແລະ ຖ່າຍຮູບສົ່ງໄປໃຫ້ສູນຕິດຕາມຄວບຄຸມ ເພື່ອຮັບປະກັນຄວາມປອດໄພຂອງນັກຮຽນ. ນອກນີ້, ລະບົບຕິດຕາມຄວບຄຸມລົດ ແລະ ລະບົບປ້ອງກັນຄວາມປອດໄພຂອງຜູ້ຂັບລົດ ກໍຈະບັນທຶກສະພາບການຂັບລົດ, ຄວາມໄວລົດ ແລະ ຈຳນວນຜູ້ໂດຍສານໃນລົດເປັນໄປຕາມມາດຖານທີ່ກຳນົດຫຼືບໍ່ ແລ້ວຈະສົ່ງໄປສູນຕິດຕາມຄວບຄຸມເຊັ່ນກັນ.
ການວິເຄາະຂອງ CRI: ໃນມື້ແດດກ້າ, ໂສກນາດຕະກຳທີ່ເດັກນ້ອຍຖືກລ໊ອກໄວ້ໃນລົດ ແລະ ເສຍຊີວິດຍ້ອນອຸນຫະພູມສູງ ແລະ ຂາດນ້ຳ ໄດ້ເກີດຂຶ້ນຢູ່ຫຼາຍປະເທດເປັນບາງຄັ້ງຄາວ. ນອກຈາກນີ້, ຍັງມີບາງກໍລະນີທີ່ລົດຕູ້ຮັບສົ່ງນັກຮຽນແລ່ນໄວເກີນໄປ ຫຼື ຜູ້ຂັບລົດຂັບລົດດົນເກີນໄປ ແລ້ວເຮັດໃຫ້ເກີດອຸບັດເຫດ ເຄີຍເກີດຂຶ້ນຢູ່ບໍ່ໜ້ອຍ. ເມື່ອຜ່ານຈາກການຕິດຕັ້ງລະບົບຄວາມປອດໄພແບບອັດສະລິຍະຢູ່ຕາມລົດຕູ້ຮັບສົ່ງນັກຮຽນ, ຈະສາມາດຫຼຸດໂສກນາດຕະກຳໃນລັກສະນະນີ້ໃຫ້ໜ້ອຍລົງຈາກແງ່ມູມດ້ານເຕັກນິກ. ນອກນີ້, ສິ່ງສຳຄັນກວ່ານີ້ກໍຄື: ເຈົ້າໜ້າທີ່ໂຮງຮຽນຕ້ອງມີນ້ຳໃຈຮັບຜິດຊອບຢ່າງສູງ, ຈິ່ງຈະສາມາດຮັບປະກັນຄວາມປອດໄພຂອງລົດຕູ້ຮັບສົ່ງນັກຮຽນ ແລະ ເປັນສິ່ງຄ້ຳປະກັນຕໍ່ຊີວິດຂອງນັກຮຽນທັງຫຼາຍ.
ຄຳເຫັນ
0