ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວ CRI: ວັນທີ 10 ກັນຍານີ້, ນັກການເມືອງ, ນັກທຸລະກິດແລະນັກວິຊາການຈາກ 58 ປະເທດໄດ້ເຕົ້າໂຮມກັນຢູ່ນະຄອນຊີ່ອ່ານແຂວງສ້ານຊີ ສປ ຈີນ, ເພື່ອເຂົ້າຮ່ວມເວທີປຶກສາຫາລືເສດຖະກິດອາຊີເອີຣົບປີ 2019, ແລະຮ່ວມກັນປຶກສາຫາລືການຮ່ວມມືແລະການພັດທະນາ “ໜຶ່ງແລວໜຶ່ງເສັ້ນທາງ”.
ເວທີປຶກສາຫາລືດັ່ງກ່າວໄດ້ເນັ້ນຫົວຂໍ້ “ຮ່ວມກັນສ້າງ ‘ໜຶ່ງແລວໜຶ່ງເສັ້ນທາງ’: ການຮ່ວມມືທີ່ມີລະດັບສູງແລະການພັດທະນາທີ່ມີຄຸນນະພາບສູງ.” ເຊິ່ງຈຸດປະສົງກໍເພື່ອເຮັດໃຫ້ການສົນທະນາລະຫວ່າງປະເທດອາຊີເອີຣົບໃນຫຼາຍຂົງເຂດແລະຫຼາຍລະດັບສາມາດຊຸກຍູ້ການເພື່ອຊຸກຍູ້ການສ້າງການພົວພັນຄູ່ຮ່ວມມືໂດຍການເຂົ້າຮ່ວມຢ່າງກວ້າງຂວາງຂອງອົງການຈັດຕັ້ງສາກົນ, ວິສາຫະກິດຂະໜາດໃຫຍ່ແລະອົງການປົກຄອງທ້ອງຖິ່ນ.
ເວທີປຶກສາຫາລືຄັ້ງນີ້ຈະຈັດໃຫ້ມີພິທີໄຂກອງປະຊຸມທັງດຳເນີນກອງປະຊຸມຄົບຄະນະ, ທັງຈະຈັດໃຫ້ມີ 10 ກອງປະຊຸມຍ່ອຍເຊັ່ນ: ການເງິນ, ຊີວະພາບ, ວັດທະນະທຳແລະທ່ອງທ່ຽວ, ອຸຕຸນິຍົມ, ວິທະຍາສາດເຕັກນິກແລະອື່ນໆ. ປະມຸກລັດແລະເຈົ້າໜ້າທີ່ສຳຄັນຂອງປະເທດສະມາຊິກ, ປະເທດສັງເກດການແລະປະເທດຄູ່ເຈລະຈາຂອງອົງການຮ່ວມມືຊຽງໄຮ້ແລະປະເທດລຽບຕາມ “ໜຶ່ງແລວໜຶ່ງເສັ້ນທາງ”, ຜູ້ຕາງໜ້າອົງການຈັດຕັ້ງສາກົນສຳຄັນ, ທູຕານຸທູດປະເທດທີ່ກ່ຽວຂ້ອງປະຈຳຈີນ, ຜູ້ຕາງໜ້າຂອງຕົວເມືອງແຮກສ່ຽວຈີນແລະຕ່າງປະເທດ, ຜູ້ຕາງໜ້າຂອງສະມາຄົມການຄ້າຈີນແລະຕ່າງປະເທດ, ຜູ້ຮັບຜິດຊອບຂອງ 500 ວິສາຫະກິດຊັ້ນນຳຂອງໂລກ ລັດວິສາຫະກິດຈີນຂະໜາດໃຫຍ່ຂອງຈີນ, ຜູ້ຮັບຜິດຊອບສະຖາບັນການເງິນຈີນແລະຕ່າງປະເທດ, ຜູ້ຊ່ຽວຊານນັກວິຊາການແລະບຸກຄົນສຳຄັນອື່ນໆພັນກວ່າທ່ານຈະເຂົ້າຮ່ວມກອງປະຊຸມຄັ້ງນີ້.
ຄຳເຫັນ
0