ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ກັນຍານີ້, ໜັງສືພິມ ວໍຊິງຕັນພົສ ແລະບໍລິສັດ ABC ອາເມຣິກາໄດ້ເຜີຍແຜ່ຜົນການສຳຫຼວດຄວາມຄິດເຫັນ ໂດຍສະແດງໃຫ້ເຫັນວ່າ: ຄຽງຄູ່ກັບການເປັນຫ່ວງນຳຄວາມຂັດແຍ້ງດ້ານການຄ້າເພີ່ມຂຶ້ນ, ປະຊາຊົນອາເມຣິກາທີ່ໃຫ້ສຳພາດມີ 60% ເຫັນວ່າເສດຖະກິດອາເມຣິກາໃນປີໜ້າ “ອາດເປັນໄປໄດ້ທີ່ສຸດ" ຫຼື “ອາດຈະ” ຊຸດໂຊມລົງ.
ອີງຕາມຜົນການສຳຫຼວດຄວາມຄິດເຫັນ, ເມື່ອທຽບກັບເດືອນພະຈິກປີກາຍນີ້, ຜູ້ໃຫ້ສຳພາດທີ່ເຫັນວ່າເສດຖະກິດອາເມຣິກາໃນສະເພາະໜ້ານີ້ ຈະ“ດີເລີດ” ຫຼື “ດີ” ໄດ້ຫຼຸດລົງຢ່າງຫຼວງຫຼາຍ, ເຊິ່ງໄດ້ຫຼຸດລົງ 10% ແລະ 56%. ມີຜູ້ໃຫ້ສຳພາດ 43% ເຫັນວ່າ, ນະໂຍບາຍການຄ້າແລະເສດຖະກິດຂອງລັດຖະບານອາເມຣິກາໄດ້ເພີ່ມຄວາມເປັນໄປໄດ້ທີ່ຈະເຮັດໃຫ້ເສດຖະກິດຊຸດໂຊມລົງໃນປີໜ້າ. ຂະນະດຽວກັນ, ປະຊາຊົນອາເມຣິກາ 60% ກໍເປັນຫ່ວງວ່າຄວາມຂັດແຍ້ງດ້ານເສດຖະກິດການຄ້າຈະເຮັດໃຫ້ຄ່າໃຊ້ຈ່າຍໃນຄອບຄົວສູງຂຶ້ນ, ໃນນັ້ນ, ມີຈຳນວນ 1/3 ເຫັນວ່າ “ມີຄວາມກັງວົນທີ່ສຸດ”.
ການສຳຫຼວດຄວາມຄິດເຫັນຄັ້ງນີ້ແມ່ນຈັດຂຶ້ນແຕ່ວັນທີ 2 ຫາວັນທີ 5 ກັນຍານີ້, ມີຜູ້ໃຫ້ສຳພາດທີ່ເຕັມກະສຽນອາຍຸຢູ່ອາເມຣິກາ 1003 ຄົນໄດ້ເຂົ້າຮ່ວມການສຳຫຼວດຄັ້ງນີ້.
ຄຳເຫັນ
0