ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສົນທະນາກ່ຽວກັບການຮ່ວມມືລະຫວ່າງວິສາຫະກິດຈີນ-ມາເລເຊຍປີ2019 ໄດ້ຈັດຂຶ້ນຢູ່ນະຄອນຫຼວງກົວລາລຳເບີປະເທດມາເລເຊຍໃນວັນທີ 10 ກັນຍານີ້, ໂດຍມີວິສາຫະກິດ 300 ແຫ່ງຂອງສອງປະເທດຈີນ-ມາເລເຊຍເຂົ້າຮ່ວມ.
ທ່ານຕັງໂກວາຍ ທູດພິເສດມາເລເຊຍທີ່ຮັບຜິດຊອບວຽກງານກ່ຽວກັບຈີນ ທັງເປັນປະທານສະພາການຄ້າມາເລເຊຍ-ຈີນກ່າວຄຳປາໄສວ່າ, ນັບແຕ່ຕົ້ນປີນີ້ມາ, ຍອດມູນຄ່າການຄ້າມາເລເຊຍ-ຈີນ, ວິສາຫະກິດຈີນທີ່ມາລົງທຶນຢູ່ມາເລເຊຍ, ແລະຈຳນວນນັກທ່ອງທ່ຽວຈີນທີ່ມາທ່ຽວມາເລເຊຍ ລ້ວນແຕ່ໄດ້ສ້າງສະຖິຕິສູງຄັ້ງໃໝ່, ຫວັງວ່າທ່ວງທ່າການພັດທະນາອັນດີງາມນີ້ຈະສາມາດສ້າງຜົນດີໃຫ້ແກ່ວິສາຫະກິດແລະປະຊາຊົນສອງປະເທດ. ໃນຍຸກອຸດສາຫະກຳ4.0ນີ້, ມາເລເຊຍຕ້ອງການວິສາຫະກິດເຕັກນິກສູງແລະພະລັງງານສີຂຽວຂອງຈີນເຂົ້າມາລົງທຶນຫຼາຍກວ່າເກົ່າ, ເພື່ອຊ່ວຍມາເລເຊຍຫັນປ່ຽນຮູບການພັດທະນາເສດຖະກິດແລະຍົກລະດັບອຸດສາຫະກຳ.
ທ່ານຕັງໂກວາຍກ່າວຕື່ມວ່າ, ໃນຍຸກໂລກາພິວັດ, ຂໍ້ຈຳກັດໃຫ້ກັບຕົນເອງແລະລັດທິປົກປ້ອງການຄ້າແມ່ນຝືນກັບກະແສຂອງຍຸກສະໄໝ. ລັດຖະບານມາເລເຊຍຍຶດໝັ້ນຫຼັກໝັ້ນການຄ້າເສລີແລະ ລັດທິຫຼາຍຝ່າຍ, ຄັດຄ້ານລັດທິປົກປ້ອງແລະລັດທິຝ່າຍດຽວ.
ກອງປະຊຸມຄັ້ງນີ້ໄດ້ສຸມໃສ່ວຽກງານການຄ້າໝາກໄມ້, ການຄ້າເອເລັກໂຕຣນິກ, ການກໍ່ສ້າງ, ການຈໍລະຈອນສິນຄ້າ, ແລະການທ່ອງທ່ຽວເປັນຕົ້ນ.
ຄຳເຫັນ
0