ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວທີປຶກສາຫາລືສຸດຍອດປະຊາຄົມການຮ່ວມມືສາກົນດ້ານໂທລະພາບເສັ້ນທາງສາຍໄໝ 2019 ພາຍໃຕ້ຫົວຂໍ້ “ການເຊື່ອມໂຍງເຂົ້າກັນຂອງພະຫຸສື່ແລະການພັດທະນາດ້ວຍຄຸນນະພາບສູງ” ໂດຍແມ່ນສະຖານີວິທະຍຸໂທລະພາບສູນກາງຈີນ ແລະ ປະຊາຄົມການຮ່ວມມືສາກົນດ້ານໂທລະພາບເສັ້ນທາງສາຍໄໝເປັນເຈົ້າພາບຮ່ວມກັນນັ້ນ ໄດ້ຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 9-11 ກັນຍານີ້ ໂດຍມີແຂກຜູ້ມີກຽດຂອງຈີນແລະຕ່າງປະເທດເກືອບ 400 ທ່ານເຂົ້າຮ່ວມ ໃນນັ້ນລວມທັງຜູ້ຮັບຜິດຊອບອົງການສື່ມວນຊົນ 92 ແຫ່ງຈາກ 43 ປະເທດແລະເຂດແຄວ້ນໃນໂລກ.
ທ່ານ ວາງສຽວຮຸ່ຍ ຮອງຫົວໜ້າຜູ້ປະຈຳການຂອງຄະນະໂຄສະນາອົບຮົມສູນກາງພັກ ແລະ ທ່ານ ເຊີ້ນໄຫຊົງ ຮອງຫົວໜ້າຄະນະໂຄສະນາອົບຮົມສູນກາງພັກ ທັງເປັນຜູ້ອຳນວຍການໃຫຍ່ສະຖານີວິທະຍຸໂທລະພາບສູນກາງຈີນ ໄດ້ເຂົ້າຮ່ວມກິດຈະກຳດັ່ງກ່າວ ທັງໄດ້ພົບປະກັບແຂກຜູ້ມີກຽດຂອງຈີນແລະຕ່າງປະເທດ.
ເພື່ອຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ ແລະຍົກລະດັບການຮ່ວມມືໃຫ້ສູງຂຶ້ນ, ເວທີປຶກສາຫາລືຄັ້ງນີ້ ໄດ້ປະກາດການສ້າງຕັ້ງສະພາມົນຕີຂອງປະຊາຄົມການຮ່ວມມືສາກົນດ້ານໂທລະພາບເສັ້ນທາງສາຍໄໝ ເຊິ່ງປະກອບດ້ວຍສື່ມວນຊົນຕົ້ນຕໍແລະບໍລິສັດສ້າງຟິມໂທລະພາບ 29 ແຫ່ງຈາກ 23 ປະເທດແລະເຂດແຄວ້ນ ໂດຍແມ່ນທ່ານ ເຊີ້ນໄຫຊົງ ເປັນປະທານສະພາດັ່ງກ່າວ.
ສະພາມົນຕີນີ້ແມ່ນອົງການປຶກສາຫາລື, ຄົ້ນຄວ້າພິຈາລະນາແລະຕິດຕາມກວດກາເພື່ອໃຫ້ການສະໜັບສະໜູນການພັດທະນາປະຊາຄົມ ເຊິ່ງຮັບຜິດຊອບການແລກປ່ຽນ, ການປະສານງານ ແລະຊຸກຍູ້ການຈັດຕັ້ງປະຕິບັດວຽກງານສຳຄັນໆຂອງປະຊາຄົມ ພ້ອມທັງຕັດສິນນະໂຍບາຍອັນສຳຄັນຕົ້ນຕໍດ້ານການພັດທະນາຂອງປະຊາຄົມ. ໂຄງສ້າງຂອງສະພາມົນຕີປະກອບມີ 4 ກຳມາທິການດ້ານວິຊາການຄື: ການຮ່ວມມືດ້ານຖະແຫຼງຂ່າວ, ການເຜີຍແຜ່ຂໍ້ມູນຂ່າວສານແບບເຊື່ອມໂຍງເຂົ້າກັນ, ການຮ່ວມມືຈັດທຳລາຍການ ແລະການຮ່ວມມືດ້ານອຸດສາຫະກຳ. ມື້ດຽວກັນ, ກອງປະຊຸມຂອງສະພາມົນຕີໄດ້ເປີດເຜີຍກົດບັດສະພາມົນຕີ ແລະ ຖະແຫຼງການຮ່ວມ.
ຄຳເຫັນ
0