ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
CRI ໄດ້ລົງບົດວິເຄາະຂອງນັກວິເຄາະໃນວັນທີ 10 ກັນຍານີ້ທີ່ພາດຫົວຂໍ້ວ່າ “ຈີນສາມາດດຶງດູດການລົງທຶນຂອງຕ່າງປະເທດໄດ້ຢ່າງແຂງແຮງ”.
ບົດວິເຄາະລະບຸວ່າ: ໃນກອງປະຊຸມປຶກສາຫາລືການລົງທຶນແລະການຄ້າສາກົນ 2019 ທີ່ພວມດຳເນີນຢູ່ນະຄອນເຊ້ຍເໝີນ, ພຽງແຕ່ວັນທີ 8 ກັນຍາວັນດຽວ, ໃນງານຕະຫຼາດນັດວັດສະດຸແລະຜະລິດຕະພັນກະສິກຳ “ໜຶ່ງແລວໜຶ່ງເສັ້ນທາງ” ເຊິ່ງມີນັກລົງທຶນຕ່າງປະເທດໄດ້ເຊັນສັນຍາລວມມູນຄ່າທັງໝົດ 29,5 ຕື້ໂດລາສະຫະລັດ ເຊິ່ງສະແດງໃຫ້ເຫັນວ່າ ຈີນສາມາດດຶງດູດການລົງທຶນຂອງຕ່າງປະເທດຢ່າງແຂງແຮງ.
ບົດວິເຄາະຊີ້ໃຫ້ເຫັນອີກວ່າ: ເວົ້າສຳລັບທຶນຕ່າງປະເທດແລ້ວ, ຈີນມີຄວາມສາມາດດຶງດູດທຶນໄດ້ໃຫຍ່ຫຼວງ ເນື່ອງຈາກວ່າຈີນເປັນຕະຫຼາດທີ່ກວ້າງໃຫຍ່ໄພສານ, ມີຕ່ອງໂສ້ອຸດສາຫະກຳທີ່ຄົບຖ້ວນສົມບູນ, ມີຊັບພະຍາກອນມະນຸດທີ່ອຸດົມສົມບູນ, ພື້ນຖານໂຄງລ່າງມີການພັດທະນາເປັນຢ່າງດີ, ເຄືອຂ່າຍການຈໍລະຈອນສິນຄ້າກໍພັດທະນາກ້າວໜ້າເຊັ່ນດຽວກັນ; ນອກນີ້, ພາຍໃຕ້ສະພາບການທີ່ສະພາບແວດລ້ອມພາຍນອກມີຄວາມບໍ່ແນ່ນອນ ຈີນໄດ້ຍຶດໝັ້ນຄວາມຕັດສິນໃຈຂອງຕົນຢ່າງສະເໝີຕົ້ນສະເໝີປາຍໃນການເປີດປະຕູສູ່ພາຍນອກແລະສ້າງສະພາບແວດລ້ອມການດຳເນີນທຸລະກິດທີ່ດີໃຫ້ແກ່ນັກລົງທຶນຕ່າງປະເທດ.
ບົດດັ່ງກ່າວໄດ້ເນັ້ນໜັກວ່າ: ເຖິງວ່າຄວາມຂັດແຍ້ງກັນດ້ານການຄ້າທີ່ອາເມຣິກາກໍ່ຂຶ້ນແຕ່ຝ່າຍດຽວໄດ້ສ້າງຄວາມບໍ່ແນ່ນອນໃຫ້ແກ່ເສດຖະກິດໂລກ ແລະ ເຮັດໃຫ້ການໄຫຼວຽນຂອງທຶນຂ້າມຊາດໃນໂລກຫຼຸດໜ້ອຍຖອຍລົງຢ່າງຫຼວງຫຼາຍກໍຕາມ, ແຕ່ສະພາບແວດລ້ອມການດຳເນີນທຸລະກິດໃນຈີນຍັງມີທ່າແຮງໃນຫຼາຍດ້ານ ຈຶ່ງເຮັດໃຫ້ວິສາຫະກິດຕ່າງປະເທດບໍ່ສາມາດຕັດແຍກອອກຈາກຕະຫຼາດຈີນໄດ້ ແລະ ເຮັດໃຫ້ຈີນຍັງສືບຕໍ່ເປັນປະເທດທີ່ມີຄວາມສາມາດດຶງດູດທຶນຕ່າງປະເທດໄດ້ຢ່າງແຂງແຮງເຊັ່ນເຄີຍ.
ຄຳເຫັນ
0