ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມລັດຖະມົນຕີເສດຖະກິດການຄ້າອາຊຽນ ກັບ ຈີນ, ຍີ່ປຸ່ນ ແລະ ສ.ເກົາຫຼີ ຫຼື ອາຊຽນ+3 ຄັ້ງທີ 22 ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 10 ກັນຍານີ້ ໂດຍໄດ້ເນັ້ນໜັກເຖິງການປົກປ້ອງລັດທິຫຼາຍຝ່າຍ ແລະ ຢືນຢັນວ່າ, ຈະເລັ່ງລັດຂະບວນການເຊື່ອມໂຍງເຂົ້າກັນດ້ານເສດຖະກິດພາກພື້ນ ແລະ ໃຫ້ຄຳໝັ້ນສັນຍາວ່າ, ຈະສຸມທຸກຄວາມພະຍາຍາມໃນການຊຸກຍູ້ໃຫ້ການເຈລະຈາກ່ຽວກັບສັນຍາການພົວພັນຄູ່ຮ່ວມເສດຖະກິດຮອບດ້ານພາກພື້ນ ຫຼື RCEP ສຳເລັດພາຍໃນປີນີ້.
ຖະແຫຼງການທີ່ເຜີຍແຜ່ຫຼັງກອງປະຊຸມລະບຸວ່າ, ການຍຶດໝັ້ນລັດທິຫຼາຍຝ່າຍ ແລະ ລັດທິພາກພື້ນມີຄວາມໝາຍສຳຄັນຕໍ່ການປົກປັກຮັກສາສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນ ກໍຄືຂອງໂລກ.
ຖະແຫຼງການຍັງລະບຸຕື່ມວ່າ, ການລົງທຶນໂດຍກົງ ຫຼື FDI ຂອງຈີນ, ຍີ່ປຸ່ນ ແລະ ສ.ເກົາຫຼີຕໍ່ພາກພື້ນອາຊຽນໃນປີ 2018 ໄດ້ບັນລຸເຖິງ 37,9 ຕື້ໂດລາສະຫະລັດ ເຊິ່ງກວມເອົາ 24,5% ຂອງການລົງທຶນໂດຍກົງຈາກພາຍນອກຂອງອາຊຽນ ແລະ ໄດ້ເພີ່ມຂຶ້ນ 9,9% ເມື່ອທຽບໃສ່ປີ 2017. ຖະແຫຼງການເຫັນວ່າ, ເຖິງວ່າການຄ້າລະຫວ່າງອາຊຽນກັບຈີນ, ຍີ່ປຸ່ນ ແລະ ສ.ເກົາຫຼີໄດ້ເພີ່ມຂຶ້ນຢ່າງຕໍ່ເນື່ອງກໍຕາມ, ແຕ່ການເຕີບໂຕຂອງເສດຖະກິດໂລກຍັງປາກົດມີທ່ວງທ່າຊ້າລົງ, ລັດທິປົກປ້ອງການຄ້າໄດ້ປາກົດຂຶ້ນ ແລະ ແນວຄິດຕໍ່ຕ້ານໂລກາພິວັດໄດ້ກະທົບເຖິງລະບົບການຄ້າຫຼາຍຝ່າຍ, ເສດຖະກິດໂລກໄດ້ຜະເຊີນໜ້າກັບຄວາມສ່ຽງແລະຄວາມບໍ່ແນ່ນອນນັບມື້ນັບຫຼາຍຂຶ້ນ.
ຄຳເຫັນ
0