ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 11 ກັນຍານີ້ຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນ ໄດ້ຕ້ອນຮັບການເຂົ້າຢ້ຽມຄຳນັບຂອງທ່ານໂຮຢັດແຊງ ໃນໂອກາດທີ່ທ່ານໄດ້ຮັບເລືອກຕັ້ງເປັນຜູ້ວ່າການເຂດບໍລິຫານພິເສດມາກາວຊຸດທີ 5 ທັງໄດ້ຮັບການແຕ່ງຕັ້ງຈາກລັດຖະບານຈີນ.
ທ່ານສີຈິ້ນຜິງສະແດງຄວາມຊົມເຊີຍຕໍ່ທ່ານໂຮຢັດແຊງທີ່ໄດ້ຮັບການແຕ່ງຕັ້ງຈາກລັດຖະບານໃຫ້ເປັນຜູ້ວ່າການເຂດບໍລິຫານພິເສດມາກາວຊຸດທີ 5.
ທ່ານສີຈິ້ນຜິງ ກ່າວວ່າ: ປີນີ້ແມ່ນປີຄົບຮອບ 20 ປີທີ່ມາກາວກັບຄືນສູ່ອ້ອມກອດຂອງປະເທດຊາດ. ຕະຫຼອດໄລຍະ 20 ປີຜ່ານມາ, ພາຍໃຕ້ການນຳພາຂອງອະດີດຜູ້ວ່າການເຂດບໍລິຫານພິເສດມາກາວສອງທ່ານ ຄື: ທ່ານເຫີໂຮ້ວຫົວ ແລະ ທ່ານຊຸ່ຍຊື້ອ່ານ, ເຂດມາກາວໄດ້ສະແດງໃຫ້ໂລກເຫັນຢ່າງປະຈັກຕາເຖິງຜົນສຳເລັດຢ່າງເປັນຮູບປະທຳໃນການປະຕິບັດຕາມຫຼັກການ “ປະເທດດຽວສອງລະບອບ” ທີ່ມີສີສັນພິເສດຂອງມາກາວ. ສະພາບຄວາມເປັນຈິງໄດ້ຢັ້ງຢືນໃຫ້ເຫັນວ່າ, “ປະເທດດຽວສອງລະບອບ” ແມ່ນປະຕິບັດໄດ້ຈິງ, ສາມາດປະຕິບັດໄດ້ຢ່າງມີຜົນສຳເລັດ ແລະ ໄດ້ຮັບການສະໜັບສະໜູນຈາກປະຊາຊົນ! ຫວັງວ່າທ່ານໂຮຢັດແຊງຈະຍຶດໝັ້ນສະພາບລວມເປັນຫຼັກ, ມີວິໄສທດອັນກວ້າງຂວາງ ເພື່ອຂຽນປະປະຫວັດສາດໜ້າໃໝ່ໃນການປະຕິບັດໄດ້ຈິງແລະໄດ້ຮັບຜົນສຳເລັດຕາມຫຼັກການ “ປະເທດດຽວສອງລະບອບ”!
ທ່ານໂຮຢັດແຊງສະແດງຄວາມຮູ້ສຶກເປັນກຽດຢ່າງສູງທີ່ລັດຖະບານໄດ້ແຕ່ງຕັ້ງຕົນໃຫ້ດຳລົງຕຳແໜ່ງເປັນຜູ້ວ່າການເຂດບໍລິຫານພິເສດມາກາວຊຸດທີ 5 ແລະ ໄດ້ໃຫ້ຄຳໝັ້ນສັນຍາຢ່າງເດັດດ່ຽວວ່າຈະຊຸກຍູ້ການປະຕິບັດຕາມຫຼັກການ “ປະເທດດຽວສອງລະບອບ” ຢູ່ມາກາວໃຫ້ປາກົດຜົນເປັນຈິງແລະໃຫ້ມີຄວາມຄືບໜ້າຢ່າງໜັກແໜ້ນແລະຍາວນານ ພາຍໃຕ້ການນຳພາຂອງທ່ານປະທານສີຈິ້ນຜິງແລະລັດຖະບານຈີນ.
ຄຳເຫັນ
0