ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ກັນຍານີ້, ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງ, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານກາຊິມ ໂຈມາດ ໂຕກາເຢັບ ປະທານາທິບໍດີກາຊັກສະຖານ, ປະມຸກລັດສອງປະເທດໄດ້ເປັນເອກະພາບກັນເຫັນດີຂະຫຍາຍການພົວພັນຄູ່ຮ່ວມຍຸດທະສາດຮອບດ້ານຢ່າງຖາວອນຈີນ-ກາຊັກສະຖານ ບົນຈິດໃຈຮ່ວມແຮງຮ່ວມໃຈກັນຜ່ານຜ່າຄວາມຫຍຸ້ງຍາກ, ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ.
ທ່ານສີຈິ້ນຜິງກ່າວວ່າ, ການພົວພັນຈີນ-ກາຊັກສະຖານເປັນແບບຢ່າງໃຫ້ແກ່ການພົວພັນລະຫວ່າງປະເທດບ້ານໃກ້ເຮືອນຄຽງທີ່ດີຕໍ່ກັນ. ຈີນຍິນດີລົງເລິກການຮ່ວມມືຮອບດ້ານກັບກາຊັກສະຖານ, ຈັດຕັ້ງປະຕິບັດການຮ່ວມກັນສ້າງແລວທາງເສດຖະກິດລຽບຕາມເສັ້ນທາງສາຍໄໝໂດຍເຊື່ອມຕໍ່ເຂົ້າກັບນະໂຍບາຍເສດຖະກິດໃໝ່ “ເສັ້ນທາງແຫ່ງຄວາມສະຫວ່າງສະໄຫວ”, ເພີ່ມທະວີການເຊື່ອມຈອດກັນ, ຊຸກຍູ້ ແລະ ຍົກສູງຄຸນນະພາບການຮ່ວມມືທາງເສດຖະກິດການຄ້າ, ຊຸກຍູ້ການຮ່ວມມືດ້ານຄວາມສາມາດການຜະລິດຢ່າງໜັກແໜ້ນ, ເປີດກວ້າງການຮ່ວມມືດ້ານປະດິດສ້າງໃໝ່ທາງວິທະຍາສາດເຕັກໂນໂລຊີ ພ້ອມທັງຮັດແໜ້ນການແລກປ່ຽນດ້ານວັດທະນະທຳ ແລະ ການໄປມາຫາສູ່ກັນລະຫວ່າງທ້ອງຖິ່ນ.
ຄຳເຫັນ
0