ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ທ່ານດີໂນ ພັດທີ ດີຈາລາ ປະທານສະມາຄົມນະໂຍບາຍການຕ່າງປະເທດ ທັງເປັນອະດີດຮອງລັດຖະມົນຕີກະຊວງການຕ່າງປະເທດອິນໂດເນເຊຍກ່າວວ່າ: ໃນໄລຍະ 70 ປີຜ່ານມາ, ຈີນມີຂະບວນການພັດທະນາບໍ່ທຳມະດາ ແລະໄດ້ຮັບໝາກຜົນອັນຍອດຍິ່ງໃນການພັດທະນາ. ເຈຕະນາໃດໆທີ່ຢາກຈະສະກັດກັ້ນການພັດທະນາຂອງຈີນບໍ່ສາມາດບັນລຸຜົນເປັນຈິງໄດ້. ຈີນໄດ້ກາຍເປັນປະເທດໃນການສຳຄັນທີ່ສະໜອງແຜນການແກ້ໄຂບັນຫາສາກົນ ແລະພາກພື້ນໃນປັດຈຸບັນນີ້. ຫວັງວ່າຈີນຈະຮ່ວມກັບອາຊຽນໃນການປົກປັກຮັກສາຄວາມເປັນທຳສາກົນ ແລະຕໍ່ຕ້ານການກະທຳທີ່ຜິດພາດ.
ເມື່ອບໍ່ດົນມານີ້, ທ່ານດີໂນໄດ້ກ່າວປາໄສໃນກອງປະຊຸມສຳມະນາພາຍໃຕ້ຫົວຂໍ້ “ການພັດທະນາຂອງຈີນ ແລະອະນາຄົດຂອງປະຊາຄົມຮ່ວມຊາຕາກຳຈີນ-ອາຊຽນ” ທີ່ຈັດຂຶ້ນໂດຍຄະນະຜູ້ຕາງໜ້າຖາວອນຈີນປະຈຳອາຊຽນວ່າ: ອາຊຽນມີການວິນິດໄສຢ່າງມີເຫດຜົນຂອງຕົນຕໍ່ການພັດທະນາຂອງຈີນ. ຈີນໄດ້ກາຍເປັນປະເທດທີ່ມີອິດທິພົນໃຫຍ່ທີ່ສຸດຕໍ່ອາຊີຕາເວັນອອກສຽງໃຕ້. ຕໍ່ໜ້າທ່າອ່ຽງການພັດທະນາຂອງຈີນຢ່າງວ່ອງໄວ, ຕ້ອງເພີ່ມທະວີການຮ່ວມມືກັບຈີນ. ຕໍ່ໜ້າສະຖາລະພາບໃໝ່, ຈີນ ແລະບັນດາປະເທດອາຊຽນຄວນເລັ່ງລັດຊຸກຍູ້ການປຶກສາຫາລື “ກົດແຫ່ງການປະພືດຢູ່ທະເລຈີນໃຕ້ ຫຼື COC” ແລະການເຈລະຈາ “ສັນຍາສາຍພົວພັນຄູ່ຮ່ວມເສດຖະກິດຮອບດ້ານໃນເຂດແຄວ້ນ ຫຼື RCEP”, ຊຸກຍູ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໃຫ້ເຊື່ອມຕໍ່ກັບ “ແຜນແມ່ບົດການເຊື່ອງຈອດກັນຂອງອາຊຽນຮອດປີ 2025”. ຮ່ວມກັນຍຶດໝັ້ນລັດທິຫຼາຍຝ່າຍ ແລະສ້າງສາຍພົວພັນຈີນ-ອາຊຽນທີ່ມີຄວາມກ້າວໜ້າ ແລະແທດເໝາະກັບສະພາບຕົວຈິງ.
ຄຳເຫັນ
0