ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກັນຍາແມ່ນບຸນໄຫວ້ພະຈັນ. ອົງການທ່ອງທ່ຽວແຫ່ງຊາດໄທໄດ້ຮ່ວມກັບສູນວັດທະນະທຳຈີນບາງກອກຈັດງານລາຕີບຸນໄຫວ້ພະຈັນຢູ່ພັດທະຍາ ເມືອງທ່ອງທ່ຽວແຄມທະເລທີ່ມີຊື່ສຽງຂອງໄທ, ເພື່ອສະແດງພາບພົດດ້ານການທ່ອງທ່ຽວຂອງໄທ, ແລະດູດດຶງນັກທ່ອງທ່ຽວຈີນ.
ນັບແຕ່ຕົ້ນປີນີ້ມາ, ຈຳນວນນັກທ່ອງທ່ຽວຈີນທີ່ໄປໄທໄດ້ຫຼຸດລົງ, ຝ່າຍໄທຈຶ່ງຫວັງໃຫ້ເປີດກວ້າງຕະຫຼາດທ່ອງທ່ຽວຈີນ. ໃນງານລາຕີມື້ດັ່ງກ່າວໄດ້ເຊີນນັກທ່ອງທ່ຽວຈີນ 500 ກວ່າຄົນແລະຜູ້ປະກອບການທ່ອງທ່ຽວທ້ອງຖິ່ນປະມານ 100 ຄົນເຂົ້າຮ່ວມ.
ຈີນເປັນປະເທດແຫຼ່ງນັກທ່ອງທ່ຽວໃຫຍ່ທີ່ສຸດຂອງໄທ, ປີກາຍນີ້, ໄທໄດ້ຕ້ອນຮັບນັກທ່ອງທ່ຽວຈີນ 10 ລ້ານກວ່າຄົນ. ໃນ 6 ເດືອນຕົ້ນປີນີ້, ນັກທ່ອງທ່ຽວຈີນທີ່ໄປໄທຫຼຸດລົງ 5% ເມື່ອທ່ຽບໃສ່ໄລຍະດຽວກັນປີກາຍນີ້.
ເພື່ອດູດດຶງນັກທ່ອງທ່ຽວຈີນຫຼາຍກວ່າເກົ່າ, ລັດຖະບານໄທຕົກລົງໃນວັນທີ 20 ສິງຫາຜ່ານມາວ່າ, ຈະເລື່ອນເວລາອີກເຄິ່ງປີຕໍ່ມາດຕະການຍົກເລີກຄ່າວີຊາກັບດ່ານທີ່ຈະໝົດອາຍຸການໃນທ້າຍເດືອນຕຸລາປີນີ້, ນັ້ນໄປຈົນເຖິງວັນທີ 30 ເມສາປີ 2020.
ຄຳເຫັນ
0