ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ກັນຍາຜ່ານມາ, ທ່ານເອກອັກຄະລັດຖະທູດ ເຊີນຊວີ້ ຜູ້ຕາງໜ້າຖາວອນຂອງຈີນປະຈຳສຳນັກງານອົງການສະຫະປະຊາຊາດທີ່ເຊີແນວ ແລະອົງການຈັດຕັ້ງສາກົນອື່ນໆທີ່ສະວິສໄດ້ຕາງໜ້າ 139 ປະເທດອອກຖະແຫຼງການຮ່ວມພາຍໃຕ້ຫົວຂໍ້ “ບັນລຸສິດການພັດທະນາຢ່າງເຕັມສ່ວນ ແລະເຮັດໃຫ້ການພັດທະນາສ້າງຜົນປະໂຫຍດໃຫ້ປະຊາຊົນທຸກຖ້ວນໜ້າ” ໃນກອງປະຊຸມຄັ້ງທີ 42 ຂອງສະພາສິດທິມະນຸດອົງການສະຫະປະຊາຊາດ.
ທ່ານເຊີນຊວີ້ກ່າວວ່າ: ການພັດທະນາແມ່ນຫົວຂໍ້ຖາວອນຂອງສັງຄົມມະນຸດ. ປະສົບການຂອງບັນດາປະເທດໂດຍສະເພາະແມ່ນຜົນສຳເລັດຂອງປະເທດທີ່ກຳລັງພັດທະນາໄດ້ຊີ້ໃຫ້ເຫັນວ່າ: ການພັດທະນາມີຄວາມສຳຄັນໃນການບັນລຸ ແລະຊົມໃຊ້ສິດທິມະນຸດ.
ທ່ານກ່າວຕື່ມວ່າ: ໃນປັດຈຸບັນນີ້, ລັດທິຝ່າຍດຽວ ແລະລັດທິປົກປ້ອງສືບຕໍ່ແຜ່ຂະຫຍາຍ, ການພັດທະນາຂອງບັນດາປະເທດຍັງບໍ່ມີຄວາມດຸນດ່ຽງ, ບໍ່ກົມກຽວກັນ ແລະບໍ່ເຕັມສ່ວນ. ບັນດາປະເທດຄວນປະຕິບັດຕາມ “ຖະແຫຼງການສິດການພັດທະນາ” ຂອງອົງການສະຫະປະຊາຊາດ, ຮັບປະກັນສິດທິເຂົ້າຮ່ວມການພັດທະນາຂອງປະຊາຊົນຢ່າງເທົ່າທຽມກັນ, ໃຫ້ທຸກຄົນມີຊີວິດການເປັນຢູ່ທີ່ມີກຽດ.
ກອງປະຊຸມຄັ້ງທີ 42 ຂອງສະພາສິດທິມະນຸດອົງການສະຫະປະຊາຊາດໄດ້ຈັດຂຶ້ນຢູ່ເຊີແນວໃນວັນທີ 9 ກັນຍາຜ່ານມາ. ຈີນໄດ້ຕາງໜ້າ 139 ປະເທດຮຽກຮ້ອງໃຫ້ບັນລຸສິດການພັດທະນາຢ່າງເຕັມສ່ວນ ແລະເຮັດໃຫ້ການພັດທະນາສ້າງຜົນປະໂຫຍດໃຫ້ປະຊາຊົນທຸກຖ້ວນໜ້າ ເຊິ່ງໄດ້ສະແດງສຽງໃນໃຈຂອງບັນດາປະເທດທີ່ກຳລັງພັດທະນາ ສະນັ້ນ, ຜູ້ຕາງໜ້າຈາກບັນດາປະເທດທີ່ກຳລັງພັດທະນາໄດ້ສະແດງຄວາມຂອບອົກຂອບໃຈມາຍັງຄະນະຜູ້ແທນຈີນ.
ຄຳເຫັນ
0