ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນອີຣານລາຍງານໃນວັນທີ 14 ກັນຍານີ້ວ່າ, ທ່ານເອຊາກ ຈາຮັນກີລີ ຮອງປະທານາທິບໍດີຜູ້ທີ 1 ຂອງອີຣານກ່າວໃນມື້ດຽວກັນວ່າ, ເປົ້າໝາຍທີ່ອາເມລິກາໃຊ້ແຮງກົດດັນສຸດຂີດຕໍ່ອີຣ້ານແມ່ນເພື່ອເຮັດໃຫ້ອຳນາດການປົກຄອງອີຣານແຕກສະຫຼາຍ.
ໃນເດືອນກໍລະກົດ ປີ2015, ອີຣານກັບ 6 ປະເທດທີ່ມີສ່ວນກ່ຽວຂ້ອງກັບບັນຫານິວເຄຼຍອີຣານກ້າວເຖິງຂັ້ນເຊັນສັນຍາຮອບດ້ານກ່ຽວກັບບັນຫານິວເຄຼຍອີຮານ. ອີງຕາມສັນຍາດັ່ງກ່າວ, ອີຣານໃຫ້ຄຳໝັ້ນສັນຍາທີ່ວ່າຈະຈຳກັດແຜນການນິວເຄຼຍຂອງຕົນ, ປະຊາຄົມໂລກຈະຍົກເລີກການຂວ້ຳບາດຕໍ່ອີຣານ. ເດືອນພຶດສະພາ ປີ 2018, ອາເມລິກາປະກາດວ່າຈະຖອນອອກຈາກສັນຍານິວເຄຼຍອີຣານ, ຕໍ່ຈາກນັ້ນຟື້ນຟູການຂວ້ຳບາດຕໍ່ອີຣານທີ່ຢຸດຕໍ່ຍ້ອນສັນຍາດັ່ງກ່າວຢ່າງເປັນກ້າວໆ. ເພື່ອຕອບໂຕ້, ຫຼັງຈາກເດືອນພຶດສະພາປີນີ້ເປັນຕົ້ນມາ, ອີຣານໄດ້ຢຸດການປະຕິບັດບາງມາດຕາຂອງສັນຍານິວເຄຼຍອີຣານໂດຍແບ່ງເປັນ 3 ໄລຍະ.
ທ່ານໂດໂນ ທຣຳ ປະທານາທິບໍດີອາເມລິກາເຄີຍເວົ້າຫຼາຍເທື່ອວ່າ, ຫວັງໃຫ້ເຈລະຈາສັນຍານິວເຄຼຍອີຣານຄືນໃໝ່, ຝ່າຍອາເມລິກາບໍ່ສະແຫວງຫາການໂຄ່ນລົ້ມ ອຳນາດການປົກຄອງອີຣານໃນປັດຈຸບັນ. ແຕ່ຝ່າຍອີຣານຊ້ຳຜັດຄັດຄ້ານການເຈລະຈາສັນຍານິວເຄຼຍອີຣານຄືນໃໝ່ຢ່າງເດັດຂາດ, ແລະກ່າວເນັ້ນຫຼາຍເທື່ອວ່າ, ອາເມລິກາກັບຄືນສູ່ສັນຍານິວເຄຼຍອີຣານແມ່ນປະຖົມປັດໄຈຂອງການສົນທະນາກັນລະຫວ່າງອີຣານກັບອາເມລິກາ.
ຄຳເຫັນ
0