ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ອົງການຄຸ້ມຄອງສະໜາມບິນສາກົນຮົງກົງໄດ້ເປີດເຜີຍຕົວເລກຂໍ້ມູນໃນວັນທີ 15 ກັນຍານີ້ໂດຍສະແດງໃຫ້ເຫັນວ່າ: ປະລິມານການຂົນສົ່ງຜູ້ໂດຍສານຂອງສະໜາມບິນສາກົນຮົງກົງໃນເດືອນສິງຫາຜ່ານມາໄດ້ບັນລຸ 6 ລ້ານເທື່ອຄົນ,ເຊິ່ງໄດ້ຫຼຸດລົງ 12,4% ເມື່ອທຽບໃສ່ໄລຍະດຽວກັນຂອງປີກາຍ; ປະລິມານຖ້ຽວບິນມີ 35,655 ພັນຖ້ຽວ,ຫຼຸດລົງ 3,5% ເມື່ອທຽບໃສ່ໄລຍະດຽວກັນຂອງປີກາຍ;ສ່ວນປະລິມານການຂົນສົ່ງສິນຄ້າກໍ່ຫຼຸດລົງ 11,5% ເມື່ອທຽບໃສ່ໄລຍະດຽວກັນຂອງປີກາຍ.
ອົງການດັ່ງກ່າວກ່າວວ່າ: ປະລິມານການຂົນສົ່ງຜູ້ໂດຍສານທີ່ຫຼຸດລົງຕົ້ນຕໍແມ່ນໄດ້ຮັບຜົນກະທົບຈາກຈຳນວນນັກທ່ອງທ່ຽວຫຼຸດລົງ. ເມື່ອທຽບໃສ່ເດືອນສິງຫາປີ 2018, ປະລິມານການຂົນສົ່ງຜູ້ໂດຍສານຈາກແຜ່ນດິນໃຫຍ່ຈີນ,ອາຊີຕາເວັນອອກສຽງໃຕ້ແລະໄຕ້ຫວັນຂອງຈີນໄດ້ຫຼຸດລົງຢ່າງຈະແຈ້ງ.
ໃນດ້ານການຂົນສົ່ງສິນຄ້າ,ເນື່ອງຈາກສະພາບແວດລ້ອມດ້ານການຄ້າຂອງໂລກມີຄວາມບໍ່ແນ່ນອນ,ປະລິມານການຂົນສົ່ງສິນຄ້າໃນເດືອນສິງຫາຜ່ານມາໄດ້ຕົກຕ່ຳລົງຢ່າງຕໍ່ເນື່ອງ,ປະລິມານການສົ່ງຕໍ່ສິນຄ້າໄດ້ຫຼຸດລົງ 19% ແລະການນຳເຂົ້າສິນຄ້າໄດ້ຫຼຸດລົງ 15%. ໃນເຂດການຄ້າທີ່ສຳຄັນ,ປະລິມານການຂົນສົ່ງສິນຄ້າລະຫວ່າງປະເທດອາຊີຕາເວັນອອກສຽງໃຕ້ກັບແຜ່ນດິນໃຫຍ່ຈີນໄດ້ມີຈັງຫວະຫຼຸດລົງຢ່າງຈະແຈ້ງ.
ຄຳເຫັນ
0