ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກັນຍານີ້, ພິທີເລີ່ມສາຍຮູບເງົາແລະໂທລະພາບອະມະຕະຈີນໃນຄໍລຳ “ບັນທຶກປະເທດຈີນ” ເຊິ່ງແມ່ນສະຖານທູດຈີນປະຈຳມຽນມາ, ວິທະຍຸ CRI ແລະ ສະຖານີໂທລະພາບສະກາຍເນັດມຽນມາ ຮ່ວມກັນເປັນເຈົ້າພາບ ໄດ້ຈັດຂຶ້ນຢູ່ນະຄອນຢາງກຸ້ງປະເທດມຽນມາ ໂດຍມີທ່ານເຊິນໄຫ້ ເອກອັກຄະລັດຖະທູດຈີນປະຈຳມຽນມາ, ທ່ານພີວມິນທຽນ ຜູ້ວ່າການແຂວງຢາງກຸ້ງ, ທ່ານເຢນຽງ ຫົວໜ້າກົມໂຄສະນາແລະປະຊາສຳພັນກະຊວງໂຄສະນາອົບຮົມມຽນມາ ແລະ ແຂກຜູ້ມີກຽດທ່ານອື່ນໆ ພ້ອມທັງບຸກຄົນໃນວົງການຕ່າງໆຂອງຈີນແລະມຽນມາເກືອບ 200 ທ່ານເຂົ້າຮ່ວມ.
ຫຼາຍປີມານີ້, ຈີນແລະມຽນມາໄດ້ເປີດກວ້າງການຮ່ວມມືໃນຂົງເຂດຮູບເງົາ ແລະ ໂທລະພາບຢ່າງບໍ່ຢຸດຢັ້ງ, ສອງຝ່າຍບໍ່ພຽງແຕ່ໄດ້ຮ່ວມກັນຖ່າຍທຳລະຄອນໂທລະພາບເທົ່ານັ້ນ, ການຮ່ວມມືໃນດ້ານແປ ແລະ ພາກຮູບເງົາ ແລະ ລະຄອນໂທລະພາບລະຫວ່າງສອງຝ່າຍກໍນັບມື້ນັບຫຼາຍຂຶ້ນ. ຂ່າວແຈ້ງວ່າ, ການສາຍຮູບເງົາແລະໂທລະພາບໃນຄັ້ງນີ້ມີທັງລະຄອນໂທລະພາບອະມະຕະຈີນ ເຊັ່ນ: “ເລື່ອງໄຊອິວ” ທີ່ຖ່າຍທຳເມື່ອປີ 1986, “ເລື່ອງສາມກົກ” ທີ່ຖ່າຍທຳເມື່ອປີ 1994 ແລະ ອື່ນໆ ພ້ອມທັງຟີມສາລະຄະດີດີເດັ່ນຕ່າງໆຂອງຈີນ ເຊັ່ນ: “ແລວທາງເຫີຊີ່” ແລະອື່ນໆ ເຊິ່ງຜົນງານເຫຼົ່ານີ້ລ້ວນແຕ່ໄດ້ຜ່ານການພາກເປັນພາສາມຽນມາ ຫຼື ຄຳບັນຍາຍໃນພາສາມຽນມາ ແລ້ວສາຍຢູ່ສະຖານີໂທລະພາບແຫ່ງຊາດມຽນມາ ແລະ ສະຖານີໂທລະພາບສະກາຍເນັດມຽນມາຕາມໆກັນ.
ຄຳເຫັນ
0