ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກັນຍານີ້ ແມ່ນວັນລະນຶກເຖິງວິລະຊົນຜູ້ເສຍສະຫຼະຊີວິດເພື່ອການປະຄຄິວັດຕາມກົດໝາຍຂອງຈີນ. ຕອນເຊົ້າມື້ນີ້ ພິທີວາງພວງມາລາເພື່ອລະນຶກເຖິງວິລະຊົນຜູ້ເສຍສະຫຼະຊີວິດເພື່ອການປະຕິວັດໄດ້ຈັດຂຶ້ນຢູ່ທີ່ສະໜາມຫຼວງທຽນອານເມີນທີ່ນະຄອນຫຼວງປັກກິ່ງ, ທ່ານສີຈິ້ນຜິງ ພ້ອມກັບຜູ້ນຳພັກລັດຈີນທ່ານອື່ນໆ ແລະຜູ້ຕາງໜ້າປະຊາຊົນໃນວົງການຕ່າງໆຂອງນະຄອນຫຼວງ 4 ພັນກວ່າທ່ານໄດ້ເຂົ້າຮ່ວມພິທີດັ່ງກ່າວ ເພື່ອໄວ້ອາໄລເຖິງດວງວິນຍານຂອງວິລະຊົນຜູ້ເສຍສະຫຼະຊີວິດເພື່ອການປະຕິວັດ ແລະສະແດງຄວາມເຄົາລົບນັບຖືແລະລປະເທດຊາດຈາລຶກບຸນຄຸນຕໍ່ວິລະຊົນທັງຫຼາຍ.
ປີນີ້ແມ່ນປີຄົບຮອບ 70 ປິແຫ່ງການສະຖາປະນາ ສປ ຈີນ. ອີງຕາມສະຖິຕິທີ່ບໍ່ຄົບຖ້ວນ, ໄດ້ມີວິລະຊົນປະມານ 20 ລ້ານຄົນໄດ້ເສຍສະຫຼະເພື່ອຄວາມເປັນເອກະລາດແຫ່ງຊາດ, ເພື່ອປົດປ່ອຍປະຊາຊົນ, ເພື່ອຄວາມຮັ່ງມີເຂັ້ມແຂງຂອງປະເທດຊາດ ແລະຄວາມຢູ່ເຢັນເປັນສຸກຂອງປະຊາຊົນ. ສະນັ້ນ ເດືອນສິງຫາປີ 2014 ຈີນໄດ້ກຳນົດໃຫ້ວັນທີ 30 ກັນຍາຂອງທຸກໆປີເປັນວັນລະນຶກເຖິງວິລະຊົນຜູ້ເສຍສະຫຼະຊີວິດເພື່ອການປະຕິວັດຕາມກົດໝາຍ. ເຊິ່ງມື້ດັ່ງກ່າວ, ຈີນຈະຈັດກິດຈະກຳລະນຶກເຖິງວິລະຊົນທັງຫຼາຍ ເພື່ອສະແດງຄວາມເຄົາລົບນັບຖືແລະປະເທດຊາດຈາລຶກບຸນຄຸນຕໍ່ວິລະຊົນທັງຫຼາຍ, ນ້ຳໃຈຂອງວິລະຊົນໄດ້ຖືກຈົດຈຳໄວ້ຊົ່ວກາລະນານ. ເດືອນເມສາ 2018 ຈີນໄດ້ຜ່ານຮັບຮອງກົດໝາຍວ່າດ້ວຍການປົກປ້ອງວິລະຊົນຜູ້ເສຍສະຫຼະຊີວິດເພື່ອຂອງສາທາລະນະລັດປະຊາຊົນຈີນຢ່າງເປັນທາງການ ໂດຍຕົກລົງກຳນົດເອົາວັນທີ 30 ກັນຍາຂອງທຸກທຸກປີເປັນວັນລະນຶກເງວິລະຊົນຜູ້ເສຍສະຫຼະ, ເຊິ່ງຈະຈັດພິທີລະນຶກຢູ່ຕໍ່ໜ້າອະນຸສາວະລີເພື່ອລະນຶກວິລະຊົນປະຊາຊົນທີ່ສະໜາມຫຼວງທຽນອານເມີນນະຄອນຫຼວງປັກກິ່ງ ເພື່ອໄວ້ອາໄລເຖິງດວງວິນຍານຂອງວິລະຊົນຜູ້ເສຍສະຫຼະທັງຫຼາຍ.
ກ່ອນພິທີວາງພວງມາລາປີນີ້, ທ່ານສີຈິ້ນຜິງ ພ້ອມດ້ວຍການນຳພັກລັດທ່ານອື່ນໆໄດ້ເດີນທາງໄປຫໍລະນຶກຂອງທ່ານປະທານເໝົາເຈີຕົງ ເພື່ອສະແດງຄວາມເຄົາລົບຕໍ່ສະຫາຍເໝົາເຈີຕົງ ທີ່ເປັນຜູ້ໃຫ້ກຳເນີດກອງທັບປົດປ່ອຍປະຊາຊົນຈີນ ແລະສາທາລະນະລັດປະຊາຊົນຈີນ, ແລະໄວ້ອາໄລເຖິງດວງວິນຍານຂອງສະຫາຍເໝົາເຈີຕົງແລະນັກປະຕິວັດດອາວູໂສທ່ານອື່ນໆຢ່າງເລິກເຊິ່ງ.
ຄຳເຫັນ
0