ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ກັນຍານີ້, ທ່ານຈຽງ ຈ້າຍ ດົ່ງ, ເອກອັກຄະລັດຖະທູດຈີນປະຈຳລາວໄດ້ເດີນທາງໄປເຮັດວຽກຢ້ຽມຢາມສະຖານທີ່ກໍ່ສ້າງທາງລົດໄຟຈີນລາວທີ່ແຂວງອຸດົມໄຊທາງພາກເໜືອລາວ, ໃນໂອກາດດັ່ງກ່າວທ່ານໄດ້ສະແດງຄວາມຍ້ອງຍໍຊົມເຊີຍບັນດາພະນັກງານກຳມະກອນກໍ່ສ້າງທັງໝົດແລະໄດ້ກ່າວອວຍພອນເນື່ອງໃນໂອກາດວັນຊາດຈີນຕໍ່ກຳມະກອນທັງຫຼາຍ.
ທ່ານຈ່ຽງ ຈ້າຍ ດົ່ງໄດ້ໄປທັດສະນະສຶກສາເກັບກຳສະພາບການກໍ່ສ້າງຂອງສະຖານີລົດໄຟເມືອງໄຊແລະທາງອຸໂມງຂອງພູພູວີດ , ໄດ້ແລກປ່ຽນຄວາມຄິດເຫັນຢ່າງເລິກເຊິ່ງກັບບັນດາກຳມະກອນທັງຫຼາຍ. ທ່ານຈ່ຽງ ຈ້າຍ ດົ່ງກ່າວວ່າ, ທ່ານເລຂາທິການໃຫຍ່ສີຈິ້ນຜີງເຄີຍໃຫ້ທິດຊີ້ນຳພວກເຮົາວ່າ, ການບັນລຸຄວາມໄຟຝັນເພື່ອຟື້ນຟູຄວາມຈະເລີນຮຸ່ງເຮືອງຂອງຊົນຊາດຈີນ, ບໍ່ແມ່ນຈະບັນລຸໄດ້ຢ່າງງ່າຍດາຍແລະແບບຕີຄ້ອງຮ້ອງວ່າປາວກໍພໍ, ການບັນລຸຄວາມໄຝ່ຝັນຢ່າງຍິ່ງໃຫຍ່ຕ້ອງການການສູ້ຊົນຢ່າງຍິ່ງໃຫຍ່. ສະຖານະການໂລກໃນປະຈຸບັນມີການຜັນແປງຢ່າງສັບສົນທີ່ບໍ່ເຄີຍມີມາກ່ອນໃນຮອບ 100 ປີຜ່ານມາ, ການປະຕິບັດໜ້າທີ່ຢ່າງໝັ້ນທ່ຽງໃນການປະຕິຮູບແລະເປີດປະຕູສູ່ໂລກພາຍນອກຂອງພວກເຮົາພົບຄວາມຫຍຸ້ງຍາກຫຼາຍ. ດັ່ງນັ້ນຈຶ່ງຮຽກຮ້ອງໃຫ້ພວກເຮົາທັງຫຼາຍຕ້ອງເສີມຂະຫຍາຍນ້ຳໃຈສູ້ຊົນຜ່ານຜ່າ, ເພີ່ມຄວາມສາມາດໃນການສູ້ຊົນ, ເພື່ອບັນລຸໄຊຊະນະໃນທີ່ສຸດ. ພວກເຮົາໄດ້ພະຍາຍາມເຮັດວຽກກ່ຽວກັບການຮ່ວມມືກັບຕ່າງປະເທດ, ມີສະພາບແວດລ້ອມທີ່ພິເສດຫຼາຍ, ມີເງື່ອນໄຂຫຍຸ້ງຍາກຫຼາຍ, ຍິ່ງຕ້ອງການແຮງໃຈແຮງກາຍໃນການປະຕິບັດໜ້າທີ່ຢ່າງເຂັ້ມແຂງ, ຕ້ອງຮັບປະກັນໃຫ້ທາງລົດໄຟລາວ-ຈີນແລະໂຄງການທີ່ສຳຄັນອື່ນໆໄດ້ຮັບການຈັດຕັ້ງປະຕິບັດຢ່າງສະດວກ, ປະກອບສ່ວນຢ່າງຕັ້ງໜ້າເຂົ້າໃນການສ້າງປະຊາຄົມຮ່ວມຊາຕາກຳຈີນ-ລາວ.
ສຸດທ້າຍທ່ານຈ່ຽງ ຈ້າຍ ດົ່ງໄດ້ຮຽກຮ້ອງໃຫ້ຖືເອົາການຮັບປະກັນຄວາມປອດໄພ, ເພື່ອຕ້ອນຮັບວັນຊາດຈີນຢ່າງຄຶກຄື້ນເປັນວຽກທີ່ສຳຄັນທີ່ສຸດແລະປະຕິບັດໃຫ້ໄດ້ດີ. ດ້ວຍຄວາມພະຍາຍາມຮ່ວມກັນຂອງແຕ່ລະຝ່າຍ, ສ້າງສະພາບແວດລ້ອມທີ່ດີງາມໃຫ້ແກ່ການສະເຫຼີມສະຫຼອງວັນຊາດພາຍໃນປະເທດຢ່າງສະດວກ.
ຄຳເຫັນ
0