ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້ ທ່ານໂມເລ ຜູ້ອຳນວຍການໃຫຍ່ທິມບານບ້ວງຮິວສຕັນຣອກກີຂອງ NBA ໄດ້ໂພສຄຳຂວັນພວກຫົວຮຸນແຮງຮົງກົງໃສ່ເພດ໊ຂອງຕົນເອງ, ອັນໄດ້ຖືກຈີນກ່າວຕິຕຽນ. ສະຖານກົງສູນໃຫຍ່ຂອງຈີນປະຈຳຮິວສ໊ຕັນໄດ້ສະແດງຄວາມຕໍ່ວ່າທັກທ້ວງຢ່າງເຄັ່ງຂຶມຕໍ່ທິມຮິວສ໊ຕັນຣອກກີ. ສະຫະພັນບານບ້ວງຈີນ ແລະ ສະຖານີວິທະຍຸໂທລະພາບສູນກາກງຈີນຊ່ອງກິລາໄດ້ພາກັນປະກາດຕັດການຮ່ວມມືແລະການຖ່າຍທອດກັບສະໂມສອນດັ່ງກ່າວ. ນອກນີ້ ບໍລິສັດຈີນທີ່ໃຫ້ການອຸປະຖຳແກ່ສະໂມສອນຮິວສຕັນຣອກກີກໍ່ໄດ້ອອກຖະແຫຼງການທາງການ ປະກາດຢຸດຕິ ຫຼືເຊົາການຮ່ວມມືທີ່ກ່ຽວຂ້ອງກັບສະໂມສອນດັ່ງກ່າວ.
ດັ່ງທີ່ພວກເຮົາທຸກຄົນຮູ້ດີ, ບໍ່ວ່າຈະແມ່ນປະເທດຝ່າຍຕາເວັນອອກຫຼືຝ່າຍຕາເວັນຕົກ, ຍາມໃດກໍ່ບໍ່ຄວນໄປທ້າທາຍອະທິປະໄຕຂອງປປະເທດໃດໜຶ່ງ, ເຊິ່ງກຽດສັກສີແຫ່ງຊາດແມ່ນຫ້າມບໍ່ໃຫ້ໄປລ່ວງລະເມມີດ. ແຕ່ໃນຖານເປັນຜູ້ອຳນວຍການກທີ່ມີຊື່ສຽງຢູ່ຈີນ, ທ່ານໂມເລພັດບໍ່ສົນນຳເລື່ອງຄວາມເປັນຈິງ ຊ່ວຍເປີດປ່າຍໂຄສະນາໃຫ້ພວກຫົວຮຸນແຮງຂອງຮົງກົງຢ່າງບັງອາດ, ນີ້ເປັນການເຕະຕ້ອງເຖິງຫຼັກການພື້ນຖານຂອງຈີນ, ແລະເປັນການລ່ວງລ້ຳຢ່າງບັງອາດຕໍ່ປະຊາຊົນຈີນທຸກຖ້ວນໜ້າເຊິ່ງລວມທັງແຟນບານບ້ວງຈີນອັນໄພສານ.
ບໍ່ພຽງແຕ່ເທົ່ານັ້ນ, NBA ເປີດປ່າວຕະຫຼອດມາວ່າຕົນເອງມັກຄວາມສາມັກຄີ ມັກຄວາມເປັນທຳ, ສຸມໃສ່ການສ້າງການພົວພັນກັບສາກົນເພື່ອແລກປ່ຽນວັດທະນະທຳ, ແຕ່ໃນຖານະເປັນຜູ້ອຳນວຍການໃຫຍ່ທີ່ມີຊື່ສຽງທີ່ຂຶ້ນກັບ NBA ການກະທຳແລະວາຈາຂອງທ່ານໂມເລແມ່ນໄດ້ຝ່າຝືນກັບວັດທະນະທຳທີ່ NBA ສົ່ງເສີມ, ສະນັ້ນ ນີ້ຈະບໍ່ພຽງແຕ່ກະທົບເຖິງພາບພົດຂອງທ່ານເອງກໍ່ຄືພາບພົດຂອງສະໂມບານຣອກກີເທົ່ານັ້ນ, ຍັງຈະກະທົບເຖິງພາບພົດໃນສາກົນຂອງ NBA ອີກດ້ວຍ.
ຄົນຈີນສ່ວນຫຼາຍຮູ້ວ່າ, ຍ້ອນທ່ານຢາວມິງເຄີຍເຂົ້າຮ່ວມສະໂມສອນຣອກກີ, ຈິ່ງເຮັດໃຫ້ທິມຣອກກີໄດ້ຮັບຄວາມນິຍົມຊົມຊອບຢ່າງສູງຈາກຄົນຈີນ. ຕະຫຼອດໄລຍະ 17 ປີມາ, ທິມຣອກກີໄດ້ຮັບການອຸປະຖຳເປັນຈຳນວນຫຼວງຫຼາຍຢູ່ຈີນ, ກາຍເປັນທິມບານບ້ວງທີ່ສຳເລັດຜົນທີ່ສຸດຢູ່ຕະຫຼາດຈີນ, ເຊິ່ງທ່ານໂມເລເອງກໍ່ເປັນຄົນໜຶ່ງທີ່ໄດ້ຮັບຜົນປະໂຫຍດຢ່າງຫຼວງຫຼາຍ. ແຕ່ຄວາມນິຍົມຊົມຊອບບໍ່ໝາຍເຖິງວ່າຈະສາມາດເຮັດຕາມໃຈໄດ້. ແຟນບານຈີນກ່ອນອື່ນແມ່ນຄົນຈີນ, ແຟນບານມັກບານບ້ວງ ແຕ່ຍິ່ງຮັກຫອມປະເທດຊາດ. ຄົນຈີນໃດໆທີ່ມີສະຕິ ແມ່ນຈະບໍ່ຍອມຕໍ່ການກະທຳທີ່ທ້າທາຍອະທິປະໄຕຂອງຊາດຕົນເອງຢ່າງເດັດຂາດ.
ໃນຫຼາຍປີມໍ່ໆມານີ້, ບໍລິສັດສາກົນຈຳນວນໜຶ່ງເຈດຕະນາເຕະຕ້ອງຫຼັກການດ້ານອະທິປະໄຕຂອງຈີນ, ແຕ່ລ້ວນແຕ່ຖືກປະຊາຊົນຈີນຄັດຄ້ານຢ່າງເດັດຂາດ. ວຽກງານຮົງກົງແມ່ນວຽກງານພາຍໃນຂອງຈີນ, ຈະບໍ່ໃຫ້ຄົນອື່ນມາແຊກແຊງແລະຊີ້ຕີນຊີ້ມື.
ພວກເຮົາຂໍບອກທ່ານໂມເລຢ່າງເຄັ່ງຂຶມວ່າ, ດ້ານໜຶ່ງຫວັງຢາກຫາກຳໄລຢູ່ຕະຫຼາດຈີນ, ດ້ານໜຶ່ງອີກພັດທຳຮ້າຍອາລົມຈິດຂອງປະຊາຊົນຈີນ ເຊິ່ງການກະທຳແບບນີ້ແມ່ນເປັນໄປບໍ່ໄດ້, ຍ່ອມຈະຕ້ອງເສຍຄ່າຕອບແທນ!
ຄຳເຫັນ
0