ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຜົນການຄົ້ນຄວ້າຫຼ້າສຸດໄດ້ຄົ້ນພົບວ່າ: ການສຳຜັດກັບຄວັນຢາສູບທີ່ມີສານນິໂກຕິນຂອງຢາສູບເອເລັກໂຕຼນິກອາດຈະພາໃຫ້ເປັນມະເຮັງປອດ. ເຊິ່ງຜົນການຄົ້ນຄວ້າດັ່ງກ່າວໄດ້ນຳສະເໜີຫຼັກຖານອ້າງອີງໃໝ່ເຖິງຜົນຮ້າຍຂອງຢາສູບເອເລັກໂຕຼນິກ.
ວັນທີ 7 ຕຸລານີ້, ໜ່ວຍງານຄົ້ນຄວ້າຂອງຄະນະແພດສາດ ມະຫາວິທະຍາໄລນີວຢອກອາເມຣິກາໄດ້ພິມບົດຄວາມລົງໜັງສືພິມ《ການຄົ້ນຄວ້າຂອງສະພາບັນດິດວິທະຍາສາດແຫ່ງຊາດ》ອາເມຣິກາ(ຫຼື PNAS) ໂດຍລະບຸວ່າ: ເຂົາເຈົ້າໄດ້ປ່ອຍໜູທົດລອງ 40 ໂຕໃຫ້ຢູ່ໃນໂຖແກ້ວທີ່ມີຄວັນຢາສູບເອເລັກໂຕຼນິກທີ່ມີສານນິໂກຕິນເປັນເວລາ 54 ອາທິດລຽນຕິດ, ໃນທີ່ສຸດ ມີໜູ 9 ໂຕຫຼືເທົ່າກັບ 22,5% ເປັນມະເຮັງປອດ.
ໃນຊຸມປີມໍ່ໆມານີ້, ຊາວໜຸ່ມເຍົາວະຊົນອາເມຣິກາໄດ້ນິຍົມກັນສູບຢາສູບເອເລັກໂຕຼນິກຢ່າງແຜ່ຫຼາຍ. ຕາມສະຖິຕິ, ໃນປີ 2018, ມີນັກຮຽນມັດທະຍົມອາເມຣິກາຫຼາຍກວ່າ 3 ລ້ານ 6 ແສນຄົນສູບຢາເອເລັກໂຕຼນິກ, ເພີ່ມຂຶ້ນຫຼາຍກວ່າປີ 2017 ຈຳນວນ 1 ລ້ານ 5 ແສນຄົນຢ່າງໄວວາ.
ອົງການອະນາໄມໂລກຫຼື WHO ເຄີຍປະກາດບົດລາຍງານໂດຍໄດ້ລະບຸວ່າ: ບໍ່ມີຫຼັກຖານທີ່ພຽງພໍທີ່ສາມາດຢືນຢັນວ່າ: ການສູບຢາເອເລັກໂຕຼນິກສາມາດຊ່ວຍໃຫ້ອອກຢາສູບໄດ້, ຜູ້ສູບຢາມີແຕ່ຕັດຂາດຈາກສານນິໂກຕິນຢ່າງເດັດຂາດເທົ່ານັ້ນຈຶ່ງຈະໄດ້ຮັບຜົນໃນລະດັບສູງສຸດ.
ຄຳເຫັນ
0