ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 7 ຕຸລານີ້, ທ່ານຈ່າງເຄີ້ຈຽນ ຫົວໜ້າອົງການພະລັງງານປະລະມານູແຫ່ງຊາດຈີນໄດ້ນຳພາຄະນະຜູ້ແທນຈີນເຂົ້າຮ່ວມ“ກອງປະຊຸມສາກົນກ່ຽວກັບການປ່ຽນແປງຂອງດິນຟ້າອາກາດແລະບົດບາດພະລັງງານນິວເຄຼຍໃນການຜະລິດໄຟຟ້າ”ທີ່ຈັດຂຶ້ນໂດຍອົງການພະລັງງານປະລະມານູສາກົນແລະອົງການພະລັງງານນິວເຄຼຍຂອງອົງການຮ່ວມມືເສດຖະກິດ(OECD)ຢູ່ກຸງວຽນ.
ໃນເວທີປຶກສາຫາລືເຈົ້າໜ້າທີ່ອາວຸໂສທີ່ຈັດຂຶ້ນໃນມື້ທຳອິດຂອງກອງປະຊຸມດັ່ງກ່າວ, ທ່ານຈ່າງເຄີ້ຈຽນໄດ້ປະກອບຄຳເຫັນໂດຍໄດ້ສະເໜີທັດສະນະຂອງຈີນໃນການຍຶດໝັ້ນການພັດທະນາແບບປະດິດສ້າງໃໝ່ ປະສານງານ ສີຂຽນ ເປີດປະຕູ ແລະຊົມໃຊ້ຮ່ວມກັນ, ພ້ອມທັງໄດ້ເຜີຍແຜ່ບົດຮຽນແລະຜົນສຳເລັດທີ່ຈີນຍາດມາໄດ້ໃນການປະຕິບັດພັນທະສາກົນຂອງອົງການສະຫະປະຊາຊາດດ້ານການປ່ຽນແປງຂອງດິນຟ້າອາກາດແລະການພັດທະນາພະລັງງານນິວເຄຼຍ. ທ່ານຈ່າງເຄີ້ຈຽນເນັ້ນວ່າ: ໃນຂະບວນການຮັບມືກັບການປ່ຽນແປງຂອງດິນຟ້າອາກາດ ແລະການສ້າງລະບົບນິເວດສີຂຽວ ກາກບອນຕ່ຳ ນຳໃຊ້ພະລັງງານແບບຍືນຍົງນັ້ນ, ຈະປາສະຈາກພະລັງງານນິວເຄຼຍບໍ່ໄດ້. ຈີນຍິນດີຮ່ວມມືກັບຝ່າຍຕ່າງໆພ້ອມກັນກ້າວເດີນໄປໜ້າ, ຮ່ວມກັນຮັບມືກັບສິ່ງທ້າທາຍຈາກການປ່ຽນແປງຂອງດິນຟ້າອາກາດຂອງໂລກ, ຊຸກຍູ້ວຽກງານດ້ານພະລັງງານນິວເຄຼຍໃຫ້ມີການຂະຫຍາຍຕົວຢ່າງປອດໄສ ແລະປະກອບສ່ວນຫຼາຍກວ່າເກົ່າເຂົ້າໃນການບັນລຸເປົ້າໝາຍພັດທະນາແບບຍືນຍົງຂອງອົງການສະຫະປະຊາຊາດ.
ກອງປະຊຸມເທື່ອນີ້ຈະດຳເນີນໄປເປັນເວລາ 1 ອາທິດ, ຜູ້ແທນເກືອບ 500 ທ່ານທີ່ມາຈາກ 75 ປະເທດເຊັ່ນ ຈີນ ຝຣັ່ງ ຣັດເຊຍ ອາເມຣິກາ ອິນເດຍແລະປະເທດອື່ນໆ ພ້ອມທັງອົງການຈັດຕັ້ງສາກົນ 17 ແຫ່ງ ຈະເຂົ້າຮ່ວມການປຶກສາຫາລືກັນ. ໃນໄລຍະເຂົ້າຮ່ວມກອງປະຊຸມ, ຄະນະຜູ້ແທນຈີນຈະຈັດງານວາງສະແດງພາຍໃຕ້ຫົວຂໍ້“ອຸດສາຫະກຳນິວເຄຼຍຂອງຈີນ”ແລະກອງປະຊຸມຫົວຂໍ້ສະເພາະເຊັ່ນ:“ການຮັບມືກັບການປ່ຽນແປງຂອງດິນຟ້າອາກາດດ້ວຍພະລັງງານໄຟຟ້ານິວເຄຼຍ ແລະແຜນການແກ້ໄຂບັນຫາຂອງຈີນ”, ເພື່ອສະແດງໃຫ້ເຫັນເຖິງຜົນສຳເລັດແລະທັດສະນະຂອງຈີນໃນການພັດທະນາພະລັງງານນິວເຄຼຍ.
ຄຳເຫັນ
0