ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເມື່ອບໍ່ດົນມານີ້, ທ່ານ ແດຣີນ ໂມຣີ, ປະທານສະໂມສອນບານບ້ວງ ຣີວສະຕັນ ຣອກເກັດ ໄດ້ພົສຮູບຖ່າຍໃບໜຶ່ງລົງ Twitter ເຊິ່ງເປັນສື່ອອນໄລ່ຂອງລາວເອງ, ໂດຍມີເນື້ອໃນຄຳຂວັນຂອງພວກຫົວຮຸນແຮງຮົງກົງ. ພາຍຫຼັງເກີດເຫດການດັ່ງກ່າວແລ້ວ, ສະມາຄົມບານບ້ວງຈີນໄດ້ມີປະຕິກິລິຍາຕອບໂຕ້ທັນທີ, ໂດຍຈະຢຸດຕິການແລກປ່ຽນແລະຮ່ວມມືກັບສະໂມສອນບານບ້ວງດັ່ງກ່າວ. ສະຖານີໂທລະພາບສູນກາງຈີນກໍໄດ້ປະກາດວ່າຈະບໍ່ຖ່າຍທອດສົດແລະອອກອາກາດການແຂ່ງຂັນທີ່ທີມບານບ້ວງ ຣີວສະຕັນ ຣອກເກັດ ເຂົ້າຮ່ວມອີກ, ຜູ້ອຸປະຖຳແລະຄູ່ຮ່ວມມືການຄ້າຈີນຫຼາຍແຫ່ງກໍໄດ້ປະກາດຢຸດຕິການຮ່ວມມືກັບທີມດັ່ງກ່າວແລ້ວ. ບໍລິສັດໃຫຍ່ອິນເຕີເນັດຫຼາຍແຫ່ງຂອງຈີນກໍສະແດງຈຸດຢືນຂອງຕົນວ່າຈະຢຸດຕິການຖ່າຍທອດສົດແລະການລາຍງານຂ່າວກ່ຽວກັບທີມບານບ້ວງ ຣີວສະຕັນ ຣອກເກັດ ເຊັ່ນດຽວກັນ.
ການວິເຄາະຂອງ CRI: ມີຄົນອາເມຣິກາປ່າວປະກາດຢູ່ຕາມເວັບໄຊ Tritter ວ່າ: NBA ບໍ່ຕ້ອງການຈີນ, ຫາກແມ່ນຈີນຕ້ອງການ NBA. ຈຸດຢືນຂອງທ່ານແດຣິນ ໂມຣີ ໄດ້ທຳຮ້າຍຈິດໃຈແຟນບານບ້ວງຈີນ, ການສະແດງທ່າທີຂອງທີມບານຮິວສະຕັນ ຣອກແກັດ ກໍໄດ້ທຳຮ້າຍປະຊາຊົນຈີນເຊັ່ນກັນ. ປີ 2002, ຄົນຈີນກາຍເປັນແຟນບານບ້ວງທິມຮິວສະຕັນຣອກແກັດ ກໍຍ້ອນທ່ານຢ໋າວມິງເຂົ້າໄປຫຼິ້ນບານບ້ວງຢູ່ NBA; ປີ 2019, ຄົນຈີນກໍສາມາດປະຖິ້ມທິມຣອກແກັດ ແລະ NBA ໄດ້ເຊັ່ນກັນ ຍ້ອນຖ້ອຍຄຳທີ່ບິດເບືອນຂອງທ່ານແດຣິນ ໂມຣີ, ປະຕິກິລິຍາຂອງຄົນຈີນຕໍ່ການກະທຳເຫຼົ່ານີ້ແມ່ນເອກະພາບກັນ, ຍ້ອນວ່າຄົນຈີນລ້ວນແຕ່ຮັກຫອມປະເທດຊາດຂອງຕົນ. ຄົນຈີນຈະບໍ່ອະນຸຍາດໃຫ້ບຸກຄົນໃດໆປີ້ນດຳເປັນຂາວ ແລະ ຊີ້ນີ້ຊີ້ນັ້ນໃນບັນຫາຮົງກົງ.
ຄຳເຫັນ
0