ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ຕຸລານີ້, ເພື່ອຕັ້ງໜ້າຊຸກຍູ້ການຮ່ວມມືໃນຂົງເຂດແພດສາດຈີນອາຊຽນ, ສະມາຄົມແພດສາດມະຫາວິທະຍາໄລຈີນອາຊຽນໄດ້ສ້າງຕັ້ງຂຶ້ນຢູ່ປັກກິ່ງ. ແລະໄດ້ອອກຖະແຫຼງການປັກກິ່ງຂອງສະມາຄົມດັ່ງກ່າວໃນມື້ດຽວກັນ.
ວັນທີ 14 ຕຸລານີ້, ກອງປະຊຸມໃຫຍ່ເພື່ອສ້າງຕັ້ງຂຶ້ນຂອງສະມາຄົມແພດສາດມະຫາວິທະຍາໄລຈີນອາຊຽນທີ່ຈັດຂຶ້ນໂດຍສູນຈີນອາຊຽນແລະພະແນກແພດສາດຂອງມະຫາວິທະຍາໄລປັກກິ່ງໄດ້ຈັດຂຶ້ນຢູ່ປັກກິ່ງ. ຖະແຫຼງການປັກກິ່ງຂອງສະມາຄົມແພດສາດມະຫາວິທະຍາໄລຈີນອາຊຽນກ່າວເນັ້ນວ່າ, ສະມາຄົມຈະຮ່ວມຮັບມືກັບສິ່ງການທ້າທາຍໃນຂົງເຂດສາທາລະນະສຸກຂອງພາກພື້ນແລະທົ່ວໂລກໂດຍຜ່ານການຮ່ວມມືແລະແລກປ່ຽນ, ປະກອບສ່ວນຢ່າງຕັ້ງໜ້າເຂົ້າໃນການປັບປຸງສຸຂະພາບຂອງປະຊາຊົນໃຫ້ດີຂຶ້ນແລະຊຸກຍູ້ການພັດທະນາວຽກງານການປິ່ນປົວສຸກຂະພາບຂອງເຂດແຄວ້ນແລະທົ່ວໂລກ.
ທ່ານເຊີນເດີໄຫ ເລຂາທິການໃຫຍ່ສູນຈີນອາຊຽນຊີ້ອອກວ່າ, ສະມາຄົມມະຫາວິທະຍາໄລຈີນອາຊຽນສ້າງຕັ້ງຂຶ້ນ, ແມ່ນມາດຕະການອັນສຳຄັນອີກອັນໜຶ່ງເພື່ອລົງເລິກການແລກປ່ຽນມິດຕະພາບແລະການຮ່ວມມືທີ່ຕິດແທດຕົວຈິງໃນຂົງເຂດການສຶກສາລະຫວ່າງສອງຝ່າຍ. ເຊື່ອໝັ້ນວ່າມະຫາວິທະຍາໄລທີ່ເປັນສະມາຊິກສະມາຄົມດັ່ງກ່າວສາມາດນຳໃຊ້ເວທີນີ້ຢ່າງເຕັມສ່ວນ, ຮ່ວມກັນຍົກລະດັບດ້ວຍການອົບຮົມຝຶກຜູ່ທີ່ມີຄວາມຮູ້ຄວາມສາມາດ, ເພີ່ມທະວີການຄົ້ນຄວ້າວິທະຍາສາດແລະປະດິດສ້າງໃໝ່, ຮ່ວມກັນຊຸກຍູ້ການພັດທະນາການສອນ, ການປິ່ນປົວ, ການຄົ້ນຄວ້າວິທະຍາສາດແລະຜະລິດຕະໃຫ້ເຊື່ອມໂຍງເຂົ້າກັນ, ປະກອບສ່ວນເຂົ້າໃນການສ້າງປະຊາຄົມຮ່ວມຊາຕາກຳສຸຂະພາບຈີນອາຊຽນ.
ຄຳເຫັນ
0