ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 16 ຕຸລານີ້, ກຳມາທິການຕ່າງປະເທດຂອງສະພາປະຊາຊົນແຫ່ງຊາດຈີນໄດ້ອອກຖະແຫຼງການ ກ່ຽວກັບສະພາຕ່ຳອາເມຣິກາ ຮັບຮອງ “ກົດໝາຍວ່າດ້ວຍສິດທິມະນຸດແລະປະຊາທິປະໄຕຂອງຮົງກົງປີ 2019”. ໂດຍກ່າວວ່າ:
ວັນທີ 15 ຕຸລານີ້ຕາມເວລາທ້ອງຖິ່ນ, ສະພາຕ່ຳອາເມຣິກາໄດ້ຮັບຮອງ “ກົດໝາຍວ່າດ້ວຍສິດທິມະນຸດແລະປະຊາທິປະໄຕຂອງຮົງກົງປີ 2019” ທີ່ສະເໜີໂດຍສະມາຊິກສະພາສ່ວນໜ້ອຍ, ເຊິ່ງເປັນການແຊກແຊງວຽກງານຮົງກົງຢ່າງບັງອາດ, ແຊກແຊງວຽກງານພາຍໃນຂອງຈີນຢ່າງປ່າເຖື່ອນ. ສະພາປະຊາຊົນແຫ່ງຊາດຈີນສະແດງການກ່າວປະນາມຕໍ່ເລື່ອງນີ້ຢ່າງຮຸນແຮງ, ແລະສະແດງການຄັດຄ້ານຢ່າງເດັດດ່ຽວ.
ເຂດຮົງກົງແມ່ນດິນແດນຂອງຈີນ, ວຽກງານຂອງເຂດຮົງກົງກໍແມ່ນວຽກງານພາຍໃນຂອງຈີນ, ວຽກງານຂອງເຂດຮົງກົງເດັດດ່ຽວຈະບໍ່ອະນຸຍາດໃຫ້ຕ່າງປະເທດໃດໆມາແຊກແຊງ. ຝ່າຍຈີນຮຽກຮ້ອງຢ່າງແຮງກ້າ ໃຫ້ລັດຖະສະພາອາເມຣິກາແລະນັກເລັງການເມືອງອາເມຣິກາຈຳນວນໜຶ່ງ ຈົ່ງຢຸດຕິການແຊກແຊງວຽກງານພາຍໃນຂອງເຂດຮົງກົງໃນທັນທີ, ເຄົາລົບຫຼັກການພື້ນຖານຂອງກົດໝາຍສາກົນແລະການພົວພັນສາກົນ, ຢຸດຕິການຊຸກຍູ້ການພິຈາລະນາຮ່າງຍັດຕິທີ່ກ່ຽວພັນກັບເຂດຮົງກົງໃນທັນທີ, ຈົ່ງທີ່ມີຜົນດີຕໍ່ການພັດທະນາໄລຍະຍາວແລະຜົນປະໂຫຍດຕົ້ນຕໍຂອງສອງປະເທດຈີນ-ອາເມຣິກາ.
ຄຳເຫັນ
0