ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ລັດຖະບານຈີນໄດ້ອອກ “ປື້ມປົກຂາວວ່າດ້ວຍຄວາມໝັ້ນຄົງດ້ານທັນຍາຫານຂອງຈີນ” ໃນວັນທີ 14 ຕຸລານີ້, ໂດຍໄດ້ອະທິບາຍຍຸດທະສາດຄວາມໝັ້ນຄົງດ້ານທັນຍາຫານຂອງຈີນຕື່ມອີກ, ແລະໄດ້ສະແດງໃຫ້ເຫັນການປະກອບສ່ວນຢ່າງຕັ້ງໜ້າຂອງຈີນໃນການຮັກສາຄວາມໝັ້ນຄົງດ້ານທັນຍາຫານຂອງໂລກແລະຊຸກຍູ້ການພັດທະນາຮ່ວມກັນ.
ປື້ມປົກຂາວລະບຸວ່າ, ປະຊາຊົນຈີນ 1,4 ຕື້ຄົນບໍ່ພຽງແຕ່ບໍ່ໄດ້ເປັນພາລະຕໍ່ຄວາມໝັ້ນຄົງດ້ານທັນຍາຫານຂອງໂລກເທົ່ານັ້ນ, ຍິງກວ່ານັ້ນຍັງໄດ້ສ້າງຄວາມອັດສະຈັນທີ່ຮັບປະກັນຄວາມໝັ້ນຄົງດ້ານທັນຍາຫານຂອງປະເທດທີ່ມີປະຊາກອນຫຼາຍກວ່າໝູ່ໃນໂລກດ້ວຍຊັບພະຍາກອນທີ່ມີຈຳກັດ. ຈີນໄດ້ກຳນົດເສັ້ນທາງຄວາມໝັ້ນຄົງດ້ານທັນຍາຫານທີ່ມີສີສັນພິເສດຂອງຈີນ.
ປື້ມປົກຂາວເໜັ້ນໜັກວ່າ, ຈີນໃນຖານະເປັນປະເທດທີ່ພວມພັດທະນາທີ່ມີປະຊາກອນ 1 ສ່ວນ 5 ຂອງໂລກ, ການທີ່ກຸ້ມຕົນເອງທາງດ້ານທັນຍາຫານກໍແມ່ນການປະກອບສ່ວນອັນສຳຄັນຕໍ່ໂລກ. ໃນຂະນະທີ່ຈີນເອົາໃຈໃສ່ການພັດທະນາປະເທດ້ວຍຄວາມສາມາດຂອງຕົນນັ້ນ, ຈີນຍັງໄດ້ເພີ່ມທະວີການເປີດປະຕູສູ່ພາຍນອກແລະການຮ່ວມມືສາກົນຢ່າງບໍ່ຢຸດຢັ້ງ, ແລະໄດ້ ປະກອບສ່ວນຢ່າງຕັ້ງໜ້າໃຫ້ແກ່ຄວາມໝັ້ນຄົງດ້ານທັນຍາຫານຂອງໂລກອີກດ້ວຍ, ນີ້ສາມາດຢືນຢັນໄດ້ວ່າຈີນໄດ້ສະແດງໃຫ້ເຫັນຄວາມຮັບຜິດຊອບໃນຖານະເປັນປະເທດໃຫຍ່ໃນການແກ້ໄຂບັນຫາຄວາມອິດຫິວຂອງໂລກ.
ຄຳເຫັນ
0