ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກະຊວງການຄ້າຈີນເປີດເຜີຍຕົວເລກໃນວັນທີ 17 ຕຸລານີ້ ໂດຍສະແດງໃຫ້ເຫັນວ່າ, ນັບແຕ່ເດືອນມັງກອນຫາເດືອນກັນຍາປີນີ້, ຈີນໄດ້ດຶງດູດການລົງທຶນຂອງຕ່າງປະເທດໄດ້ປະມານ 683,2 ຕື້ຢວນ, ເພີ່ມຂຶ້ນ 6,5% ເມື່ອທຽບໃສ່ໄລຍະດຽວກັນຂອງປີກາຍນີ້. ການດຶງດູດການລົງທຶນຂອງຕ່າງປະເທດເຂົ້າໃນຂະແໜງເຕັກນິກຂັ້ນສູງ ສືບຕໍ່ຮັກສາຈັງຫວະເພີ່ມຂຶ້ນອ່າວສູງ, ເຊິ່ງໄດ້ເພີ່ມຂຶ້ນເຖິງ 39,8% ເມື່ອທຽບໃສ່ໄລຍະດຽວກັນຂອງປີກາຍນີ້. ທ່ານກ່າວເຟີງ, ໂຄສົກຂອງກະຊວງການຄ້າຈີນກ່າວວ່າ:
ການດຶງດູດການລົງທຶນຂອງຕ່າງປະເທດເຂົ້າໃນ “ຂະແໜງການເຕັກນິກຂັ້ນສູງບັນລຸ 74,6 ຕື້ຢວນ, ເພີ່ມຂຶ້ນ 13,7% ເມື່ອທຽບໃສ່ໄລຍະດຽວກັນຂອງປີກາຍນີ້. ໃນນັ້ນ, ຂະແໜງການຜະລິດຢຸກຢາ, ຂະແໜງການຜະລິດອຸປະກອນແລະເຄື່ອງວັດແທກການປິ່ນປົວພະຍາດ, ຂະແໜງການຜະລິດອຸປະກອນເອເລັກໂຕຼນິກແລະສື່ສານ ລ້ວນແຕ່ສາມາດດຶງດູດການລົງທຶນຂອງຕ່າງປະເທດໄດ້ຫຼາຍກວ່າໄລຍະດຽວກັນຂອງປີກາຍນີ້. ສ່ວນການດຶງດູດການລົງທຶນຂອງຕ່າງປະເທດໃນຂະແໜງການບໍລິການເຕັກນິກຂັ້ນສູງບັນລຸ 129,2 ຕື້ຢວນ, ເພີ່ມຂຶ້ນ 61,3% ເມື່ອທຽບໃສ່ໄລຍະດຽວກັນຂອງປີກາຍນີ້.”
ທ່ານກ່າວເຟີ່ງຍັງແນະນຳໃຫ້ຮູ້ວ່າ, ໃນແຫຼ່ງທຶນຕົ້ນຕໍ, ປະເທດ “ໜຶ່ງແລວໜຶ່ງເສັ້ນທາງ” ໄດ້ເພີ່ມຂຶ້ນ 14,9%, ປະເທດອາຊຽນເພີ່ມຂຶ້ນ 17,5%.
ຄຳເຫັນ
0