ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ17 ຕຸລານີ້, ຢູ່ປັກກິ່ງ, ທ່ານຫຼີເຄີ້ສຽງ ນາຍົກລັດຖະມົນຕີຈີນກ່າວວ່າ, ຈີນນັບມື້ນັບເປີດກວ້າງການເປີດປະຕູສູ່ພາຍນອກ. ຈີນຍິນດີຕ້ອນຮັບວິສາຫະກິດບັນດາປະເທດລວມທັງອາເມລິກາທີ່ເປີດກວ້າງການລົງທຶນຢູ່ຈີນ, ເພື່ອບັນລຸເປົ້າໝາຍຕ່າງຝ່າຍຕ່າງມີຜົນປະໂຫຍດໄດ້ດີກວ່າເກົ່າ.
ມື້ດຽວກັນ, ທ່ານຫຼີເຄີ້ສຽງໄດ້ພົບປະກັບຄະນະຜູ້ແທນທຸລະກິດອາເມລິກາພວມຢ້ຽມຢາມຈີນ ເຊິ່ງນຳໂດຍທ່ານເອວັນ ກຼິນເບີກ ປະທານສະພາທຸລະກິດອາເມລິກາ-ຈີນ.
ທ່ານຫຼີເຄີ້ສຽງກ່າວວ່າ, ຈີນໄດ້ເປີດປະຕູໃນອຸດສາຫະກຳການປຸງແຕ່ງຢ່າງຮອບດ້ານ, ການເປີດປະຕູສູ່ພາຍນອກດ້ານການບໍລິການມີຄວາມຄືບໜ້າຢ່າງຕໍ່ເນື່ອງ. ຈີນຈະສ້າງສະພາບແວດລ້ອມໃນການດຳເນີນທຸລະກິດໃນລະດັບສາກົນບົນພື້ນຖານກົນໄກຕະຫຼາດແລະກົດໝາຍ, ຈີນຈະປະຕິບັດຕໍ່ວິສາຫະກິດພາຍໃນຈີນແລະຕ່າງປະເທດຢ່າງສະເໝີພາບໂດຍບໍ່ມີຂໍ້ຍົກເວັ້ນ, ປົກປັກຮັກສາສິດຊັບສົມບັດແລະສິດຊັບສິນທາງປັນຍາຢ່າງເຄັ່ງຄັດກວ່າເກົ່າ. ຈີນແມ່ນຕະຫຼາດໃຫຍ່ທີ່ມີປະຊາກອນເກືອບ 1,4 ຕື້ຄົນ, ການບໍລິໂພກຖືກຍົກສູງຂຶ້ນຢ່າງຕໍ່ເນື່ອງ, ມີໂອກາດທາງການຄ້າແລະມີກຳລັງບົ່ມຊ້ອນມະຫາສານ. ການພັດທະນາຂອງຈີນຍັງເປັນໂອກາດທີ່ດີຂອງໂລກ.
ຄຳເຫັນ
0