ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ວັນທີ 18 ຕຸລານີ້, ໜ່ວຍງານຄຸ້ມຄອງກອງທຶນຮ່ວມມືຈີນ-ອາຊຽນໄດ້ຈັດພິທີສ້າງຕັ້ງຢູ່ກອງເລຂາອາຊຽນ. ທ່ານລິມຈອກຮອຍ ເລຂາທິການໃຫຍ່ອາຊຽນ, ທ່ານຮວງຊີ່ລຽນ ເອກອັກຄະລັດຖະທູດຈີນປະຈຳອາຊຽນ ແລະ ເອກອັກຄະລັດຖະທູດປະເທດຕ່າງໆປະຈຳອາຊຽນໄດ້ເຂົ້າຮ່ວມພິທີດັ່ງກ່າວ.
ໃນເວລາກ່າວຄຳປາໄສ, ທ່ານຮວງຊີ່ລຽນ ເອກອັກຄະລັດຖະທູດຈີນປະຈຳອາຊຽນກ່າວວ່າ, ກອງທຶນຮ່ວມມືຈີນ-ອາຊຽນສ້າງຕັ້ງຂຶ້ນໃນປີ 1997, ແມ່ນກອງທຶນຮ່ວມມືພາກພື້ນແຫ່ງທຳອິດຂອງຈີນທີ່ມຸ່ງໜ້າສູ່ເຂດອ້ອມຂ້າງ. 22 ປີມານີ້, ກອງທຶນຮ່ວມມືຈີນ-ອາຊຽນໄດ້ອຸດໜູນສອງຝ່າຍປະຕິບັດໂຄງການຮ່ວມມືທີ່ຕິດແທດຕົວຈິງ 200 ກວ່າໂຄງການ, ໄດ້ເປີດກວ້າງການແລກປ່ຽນ ແລະ ການຮ່ວມມືລະຫວ່າງສອງຝ່າຍໃນຂັ້ນຕ່າງໆ ແລະ ຂົງເຂດຕ່າງໆຢ່າງບັງເກີດຜົນ. ປີກາຍນີ້, ຈີນປະກາດວ່າໄດ້ເພີ່ມເງິນທຶນຕໍ່ກອງທຶນຮ່ວມມືຈີນ-ອາຊຽນຢ່າງຫຼວງຫຼາຍ, ໂດຍຜ່ານການກະກຽມເປັນເວລາເກືອບ 1 ປີ, ທີມງານຄຸ້ມຄອງກອງທຶນຮ່ວມມືຈີນ-ອາຊຽນໄດ້ສ້າງຕັ້ງຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍຢ່າງເປັນທາງການ. ຄາດວ່າ,ສອງຝ່າຍຈະທຳຄວາມພະຍາຍາມ ແລະ ສະໜັບສະໜູນໃຫ້ທີມງານດັ່ງກ່າວສາມາດກ້າວໜ້າເຕີບໂຕຢ່າງບໍ່ຢຸດຢັ້ງ, ແລະສະແດງບົດບາດເທົ່າທີຄວນເພື່ອຍົກສູງລະດັບການຮ່ວມມືທີ່ຕິດແທດຕົວຈິງໃນຂົງເຂດຕ່າງໆລະຫວ່າງຈີນ ກັບ ອາຊຽນ.
ຄຳເຫັນ
0