ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກອງປະຊຸມສຸດຍອດຫົວໜ້າບໍລິສັດຂ້າມຊາດຄັ້ງທຳອິດໄດ້ຈັດຂຶ້ນຢູ່ນະຄອນຊິງຕາວແຂວງຊານຕຸ່ງຈີນໃນວັນທີ 19 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ສົ່ງສານຊົມເຊີຍຕໍ່ກອງປະຊຸມ.
ສານຊົມເຊີຍຂອງທ່ານສີຈິ້ນຜິງລະບຸວ່າ, ໃນຖານະເປັນຜູ້ເຂົ້າຮ່ວມສຳຄັນ, ສັກຂີພິຍານ ແລະ ຜູ້ໄດ້ຮັບຜົນປະໂຫຍດ, ບໍລິສັດຂ້າມຊາດໄດ້ສະແດງບົດບາດຢ່າງຕັ້ງໜ້າໃນຂະບວນການປະຫວັດສາດທີ່ຈີນດຳເນີນການປະຕິຮູບ ແລະ ເປີດປະຕູສູ່ພາຍນອກ 40 ກວ່າປີຜ່ານມາ.
ທ່ານສີຈິ້ນຜິງກ່າວຕື່ມວ່າ, ຈີນຈະເປີດປະຕູສູ່ພາຍນອກນັບມື້ນັບກວ້າງກວ່າເກົ່າ, ສະພາບແວດລ້ອມດ້ານການເຮັດທຸລະກິດຂອງຈີນຈະນັບມື້ນັບດີຂຶ້ນ ແລະ ຈີນຈະສ້າງໂອກາດໃຫ້ແກ່ບໍລິສັດຂ້າມຊາດທົ່ວໂລກນັບມື້ນັບຫຼາຍຂຶ້ນ. ພວກເຮົາຍິນດີຕ້ອນຮັບນັກທຸລະກິດທົ່ວໂລກມາລົງທຶນຢູ່ຈີນ ເພື່ອພະຍາຍາມບັນລຸການຮ່ວມມືແບບຕ່າງຝ່າຍຕ່າງມີຜົນປະໂຫຍດ ແລະ ຮ່ວມກັນສ້າງອະນາຄົດທີ່ສວຍງາມ.
ຄຳເຫັນ
0