ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ຕຸລານີ້, ສະຖາບັນຄົ້ນຄວ້າຈີນແລະໂລກຍຸກປັດຈຸບັນຂອງອົງການພາສາຕ່າງປະເທດແຫ່ງຊາດຈີນໄດ້ຈັດກອງປະຊຸມຂ່າວຢູ່ນະຄອນຫຼວງປັກກິ່ງ, ເພື່ອເປີດເຜີຍ “ບົດລາຍງານຜົນການສຳຫຼວດພາບພົດຈີນໃນທົ່ວໂລກປີ 2018” ສະບັບພາສາຈີນແລະພາສາອັງກິດ. ເຊິ່ງລະບຸວ່າ, ໃນບັນດາຂົງເຂດທີ່ໄດ້ດຳເນີນການຄຸ້ມຄອງບໍລິຫານທົ່ວໂລກທີ່ຈີນມີສ່ວນຮ່ວມນັ້ນ, ວິທະຍາສາດເຕັກນິກ, ເສດຖະກິດແລະວັດທະນະທຳແມ່ນສາມຂົງເຂດທີ່ໄດ້ຮັບຄວາມຮັບຮູ້ຫຼາຍກວ່າໝູ່ຈາກຜູ້ໃຫ້ສຳພາດ, ລະດັບຄວາມຮັບຮູ້ລ້ວນແຕ່ຫຼາຍກວ່າ 50%.
ບົດລາຍງານດັ່ງກ່າວຮ່າງຂຶ້ນໂດຍສະຖາບັນຄົ້ນຄວ້າຈີນແລະໂລກຍຸກປັດຈຸບັນແລະກຸ່ມຄັນທາເຊິ່ງເປັນອົງການສຳຫຼວດ, ສອງອົງການດັ່ງກ່າວໄດ້ດຳເນີນການສຳຫຼວດຮ່ວມກັນຢູ່ 22 ປະເທດໃນໂລກ, ໂດຍໄດ້ສຳພາດ 11.000 ຄົນ.
ບົດລາຍງານຊີ້ໃຫ້ເຫັນວ່າ, ພາບພົດໂດຍລວມຂອງຈີນໄດ້ຮັກສາຄວາມໝັ້ນທ່ຽງ, ແລະໄດ້ຍົກສູງຂຶ້ນຢ່າງໝັ້ນທ່ຽງໃນບັນດາປະເທດທີ່ພວມພັດທະນາ. ໃນລະດັບຄວາມຮັບຮູ້ຕໍ່ຜົນງານດ້ານວິທະຍາສາດເຕັກນິກຂອງຈີນ, ເຕັກນິກລົດໄຟຄວາມໄວສູງມີລະດັບຮັບຮູ້ຢູ່ຕ່າງປະເທດສູງທີ່ສຸດ, ຖັດມາແມ່ນເຕັກນິກຊູເປີຄອມພິມເຕີແລະການບິນອະວະກາດບັນທຸກຄົນ. ບົດລາຍງານໄດ້ວິເຄາະແລ້ວເຫັນວ່າ, ຜູ້ໃຫ້ສຳພາດຕ່າງປະເທດຫຼາຍກວ່າ 65% ເຫັນວ່າຖານະ ແລະອິດທິພົນຂອງຈີນໃນໂລກຈະສືບຕໍ່ເພີ່ມຂຶ້ນ.
ຄຳເຫັນ
0