ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ວັນທີ 5 ພະຈິກນີ້, ທ່ານສີຈິ້ນຜີງ, ປະທານປະເທດຈີນກ່າວຄຳປາໄສສຳຄັນໃນພິທີເປີດງານວາງສະແດງສິນຄ້ານຳເຂົ້າສາກົນຈີນຄັ້ງທີ 2 , ໂດຍຮຽກຮ້ອງໃຫ້ພັດທະນາເສດຖະກິດໂລກດ້ວຍການເປີດປະຕູສູ່ພາຍນອກແລະຮ່ວມມືກັນ. ທ່ານໄດ້ເນັ້ນໜັກວ່າ, ໂລກໃນປັດຈຸບັນນີ້, ຕ່ອງໂສ້ມູນຄ່າທົ່ວໂລກ, ຕ່ອງໂສ້ການສະໜອງໄດ້ຮັບການພັດທະນາຢ່າງເລິກເຊິ່ງ, ການພັດທະນາຂອງເຈົ້າແລະຂ້ອຍມີສ່ວນປະກອບຂອງກັນແລະກັນ, ການເຊື່ອມໂຍງເຂົ້າກັນດ້ານເສດຖະກິດຂອງປະເທດຕ່າງໆແມ່ນທ່າອ່ຽງແຫ່ງການພັດທະນາ. ເມື່ອຜະເຊີນໜ້າກັບຄວາມຂັດແຍ້ງກັນ, ການປຶກສາຫາລືແລະການຮ່ວມມືຈຶ່ງແມ່ນວິທີທີ່ຖືກຕ້ອງ. ຖ້າວ່າມີຄວາມສະເໝີພາບກັນຕໍ່ກັນແລະກັນ, ມີຄວາມເຂົ້າໃຈກັນ, ກໍບໍ່ມີບັນຫາຍາກທີ່ແກ້ໄຂບໍ່ໄດ້.
ທ່ານສີຈິ້ນຜີງກ່າວວ່າ, ຄວນຍຶດໝັ້ນການເປີດປະຕູສູ່ພາຍນອກເພື່ອບັນລຸການພັດທະນາ, ລົງເລິກການແລກປ່ຽນແລະການຮ່ວມມືກັນ, ຍຶດໝັ້ນ “ການຈັບມືກັນແລະ” ບໍ່ “ປ່ອຍມືກັນ”, ຍຶດໝັ້ນ “ການມ້າງກຳແພງ”ແຕ່ບໍ່ແມ່ນ “ການກໍ່ກຳແພງກັນ”, ເດັດດ່ຽວຄັດຄ້ານລັດທິປົກປ້ອງ, ລັດທິຝ່າຍດຽວ, ລົບລ້າງກຳແພງການຄ້າໃຫ້ໜ້ອຍລົງເລື້ອຍໆ, ຊຸກຍູ້ໃຫ້ຕ່ອງໂສ້ມູນຄ່າທົ່ວໂລກແລະຕ່ອງໂສ້ການສະໜອງມີຄວາມສົມບູນກວ່າເກົ່າ, ຮ່ວມກັນບົມເພາະຕະຫຼອດ.
ຄຳເຫັນ
0