ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 6 ພະຈິກນີ້ ໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງ ທ່ານຫວາງໂຊ້ເວີນ ຮອງລັດຖະມົນຕີກະຊວງການຄ້າຈີນ ທັງເປັນຮອງຫົວໜ້າກ່ຽວກັບການເຈລະຈາການຄ້າສາກົນກ່າວວ່າ: ໃນການເຈລະຈາກ່ຽວກກັບສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນຫຼື RECP, ອາຊຽນໄດ້ເສີມຂະຫຍາຍບົດບາດແກນກາງ. ເວົ້າສຳລັບພາກພື້ນແຫ່ງນີ້ແລ້ວ ສັນຍາດັ່ງກ່າວຈະນຳເອົາຜົນປະໂຫຍດ 3 ດ້ານມາໃຫ້ແກ່ພາກກພື້ນແຫ່ງນີ້.
ທ່ານວາງໂຊ້ເວີນຊີ້ໃຫ້ເຫັນວ່າ, ການເຈລະຈາກ່ຽວກັບ RECP ແມ່ນລິເລີ່ມໂດຍອາຊຽນ ແລະໄດ້ເຊີນ 6 ປະເທດເຂົ້າຮ່ວມການເຈລະຈາເຊິ່ງເລີ່ມແຕ່ປີ 2012 ເປັນຕົ້ນມາ, ໃນການເຈລະຈາທີ່ຫຍຸ້ງຍາກ ແຕ່ຍ້ອນບົດບາດເປັນແກນກາງຂອງອາຊຽນ ໄດ້ເຮັດໃຫ້ພວກເຮົາສາມາດຜ່ານຜ່າຄວາມຫຍຸ້ງຍາກທີ່ຫຼາຍປະເທດຢູ່ໃນພາກພື້ນແຫ່ນີ້ມີຄວາມແຕກໂຕນກັນໃນດ້ານການເມືອງ, ເສດຖະກິດ, ລະດັບການພັດທະນາແລະປະຫວັດສາດ ກໍຄືຮີດຄອງປະເພນີ, ໃນສຸດທ້າຍແລ້ວໄດ້ກ້າວເຖິງຂັ້ນເປັນເອກະພາບກັນ. ຈີນໄດ້ໃຫ້ການສະໜັບສະໜູນແກ່ອາຊຽນໃນການເສີມຂະຫຍາຍບົດບາດເປັນແກນກາງໃນການເຈລະຈາກ່ຽວກັບສັນຍາດັ່ງກ່າວ.
ທ່ານຫວາງໂຊ້ເວີນກ່າວຕື່ມວ່າ, ເວົ້າສຳລັບພາກພື້ນແຫ່ງນີ້ແລ້ວ ສັນຍາ RECP ຈະນຳເອົາຜົນປະໂຫຍດຈາກ 3 ດ້ານຄື: ສັນຍາດັ່ງກ່າວເປັນການຍົກລະດັບໃຫ້ແກ່ສັນຍາການຄ້າເສລີອາຊຽນ + 1ທີ່ມີຢູ່ໃນປະຈຸບັນ, ເຊິ່ງຈະກາຍເປັນລະບົບລະບຽບການທີ່ເປັນເອກະພາບກັນພາຍໃນພາກພື້ນ; ສອງແມ່ນຈະມີຜົນດີຕໍ່ການສ້າງຕ່ອງໂສ້ການສະໜອງແລະຕ່ອງໂສ້ມູນຄ່າພາຍໃນພາກພື້ນແຫ່ງນີ້; ສາມແມ່ນຈະມີຜົນດີຕໍ່ການ່ດຶງດູດການລົງທຶນຈາກພາກພື້ນອື່ນ.
ຄຳເຫັນ
0