ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
(ທ່ານນາງເຂັມມະນີ ພົນເສນາ ໃຫ້ສຳພາດຕໍ່ນັກຂ່າວ ສະຖານີວິທະຍຸໂທລະພາບສູນກາງຈີນ )
ວັນທີ 5 ພະຈິກນີ້, ງານວາງສະແດງການນຳເຂົ້າສາກົນຈີນຄັ້ງທີ 2 ໄດ້ຈັດຂຶ້ນຢູ່ ນະຄອນຊຽງໄຮ້ຂອງຈີນຢ່າງເປັນທາງການ. ທ່ານສີຈິ້ນຜິງ ປະທານປະເທດ ຈີນໄດ້ກ່າວຄຳປາໄສທີ່ສຳຄັນໃນພີທີໄຂງານດັ່ງກ່າວ ເຊິ່ງໄດ້ ສ້າງຄວາມສົນໃຈ ໃຫ້ແກ່ແຂກຮ່ວມງານທັງພາຍໃນແລະຕ່າງປະເທດ.
ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າລາວໄດ້ໃຫ້ສຳພາດຕໍ່ນັກຂ່າວ CRI ຫຼັງພິທີໄຂງານວ່າ: “ຄຳປາໄສຂອງ ທ່ານປະທານສີຈິ້ນຜິງ ເຮັດໃຫ້ຂ້າພະເຈົ້າຮູ້ສຶກພາກພູມໃຈຫຼາຍ ທີ່ທ່ານໄດ້ກ່າວ ເຖິງໃນບົດລາຍງານກ່ຽວກັບສະພາບແວດລ້ອມການດຳເນີນທຸລະກິດປີ 2020 ທີ່ປະກາດໂດຍທະນາຄານໂລກ ເຊິ່ງໄດ້ຈັດເອົານສະພາບແວດລ້ອມການດຳເນີນທຸລະກິດຂອງຈີນຫຍັບຂຶ້ນຈາກອັນດັບທີ 46 ອັນດັບທີ 31 ໄດ້ສະແດງໃຫ້ເຫັນວ່າ ຜ່ານຈາກການລົງເລິກການປະຕິຮູບແລະເປີດປະຕູສູ່ພາຍນອກ, ຈີນໄດ້ປັບປຸງສະພາບແວດລ້ອມດ້ານການດຳເນີນທຸລະກິດຂອງຕົນເອງໃຫ້ດີຂຶ້ນຢ່າງຫຼວງຫຼາຍ, ເຊິ່ງມີຫຼາຍອັນທີ່ພວກຂ້າພະເຈົ້າຈະໄດ້ຖອດຖອນບົດຮຽນນຳ ສປ ຈີນ ເພື່ອສ້າງສະພາບແວດລ້ອມດ້ານການລົງທຶນຂອງລາວໃຫ້ດີຂຶ້ນ ເພື່ອດຶງດູດການລົງທຶນ ແລະ ເຮັດໃຫ້ສິນຄ້າແລະການບໍລິການຂອງລາວສາມາດແຍ່ງແຂ່ງຂັນໃນ ທົ່ວໂລກໄດ້.”
ງານວາງສະແດງສິ້ນຄ້ານຳເຂົ້າສາກົນຈີນຄັ້ງທີ 2 ມີ 64 ປະເທດ ແລະ 3 ອົງການຈັດຕັ້ງສາກົນເຂົ້າຮ່ວມ. ເນື້ອທີ່ການວາງສະແດງຂອງບັນດາປະເທດມີ ເຖິງ 300,000 ຕາແມັດ ເຊິ່ງຈະສຸມໃສ່ການສະແດງຜົນສຳເລັດ ດ້ານການພັດທະ ນາ, ສະພາບແວດລ້ອມຂອງການດຳເນີນທຸລະກິດ ແລະ ອຸດສາຫະກຳທີ່ມີເອກະ ລັກພິເສດຂອງປະເທດຕ່າງໆ.
ປີນີ້ເປັນປີທີສອງທີ່ວິສາຫະກິດລາວເຂົ້າຮ່ວມງານວາງສະແດງ ເຊິ່ງນັກທຸລະກິດລາວໄດ້ນຳເອົາສິນຄ້າຕ່າງໆທີ່ມີຄວາມຫຼາກຫຼາຍເປັນຕົ້ນແມ່ນເຂົ້າ, ຊາ, ກາເຟ ແລະເຄື່ອງເຟີນິເຈີ ມາວາງສະແດງໃນງານຄັ້ງນີ້.
ທ່ານນາງເຂັມມະນີ ພົນເສນາ ກ່າວຕື່ມວ່າ:ງານວາງສະແດງການນຳເຂົ້າສາກົນຈີນ ສຳຄັນຫຼາຍ ແລະເປັນໂອກາດທີ່ດີທີ່ເຮັດໃຫ້ຜູ້ບໍລິໂພກຂອງຈີນກໍ ຄືຂອງໂລກ ໄດ້ເຫັນສິນຄ້າລາວ, ລັດຖະບານລາວພະຍາຍາມສ້າງນະໂຍບາຍ ເພື່ອສົ່ງເສີມໃຫ້ ນັກທຸລະກິດລາວມາຮ່ວມງານນີ້.
ຄຳເຫັນ
0