ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 5 ພະຈິກນີ້ ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ພົບປະເຈລະລຈາກັບທ່ານປຣະຢຸດ ຈັນໂອຊາ ນາຍົກລັດຖະມົນຕີໄທຢູ່ທີ່ນະຄອນຫຼວງບາງກອກ.
ທ່ານຫຼີເຄີ້ສຽງຊີ້ອອກວ່າ, ຈີນຍິນດີໃຫ້ຂໍ້ລິເລີ່ມ ໜຶ່ງແລວໜຶ່ງເສັ້ນທາງ ເຊື່ອມຈອດກັບຍຸດທະສາດພັດທະນາຂອງໄທ, ບັນລຸການປຶກສາຫາລືຮ່ວມກັນ, ສ້າງສາຮ່ວມກັນແລະຊົມໃຊ້ຮ່ວມກັນ. ຈີນສະໜັບສະໜູນໄທໃນການສ້າງແລ້ວເສດຖະກິດຕາເວັນອອກ( EEC ) ແລະຍິນດີຖືເປັນເວທີທີ່ສຳຄັນໃນການດຳເນີນການຮ່ວມມືດ້ານຕະຫຼາດຝ່າຍທີສາມ. ຈີນສົ່ງເສີມໃຫ້ວີສາຫະກິດຈີນເຂົຂ້າຮ່ວມການສ້າງສາພື້ນຖານໂຄງລ່າງຄົມມະນາຄົມຂອງໄທໂດຍອີງຕາມຫຼັກການຕະຫຼາດແລະການຄ້າ ແລະນຳໃຊ້ເວທີການຄ້າເອເລັກໂຕຼນິກຂ້າມ່ຊາດາໃຫ້ດີ, ເປີດກວ້າງການສົ່ງອອກຜະລິດຕະພັນກະສິກຳໄທທີ່ມີຄຸນນະພາບດີ ເຊັ່ນເຂົ້າສານ ສູ່ຈີນ. ຈີນຍິນດີແລກປ່ຽນບົດຮຽນກັບໄທໃນດ້ານການສ້າງເຂດເສດຖະກິດພິເສດ, ການພັດທະນາເຂດສວນອຸດດສາຫະກຳແລະຊຸກຍູ້ວຽກງານຫຼຸດຜ່ອນຄວາມທຸກຍາກ. ແລະຊຸກຍູ້ໃຫ້ປະຊາຊົນສອງປະເທດມີຄວາມເຂົ້າໃຈກັນຂຶ້ນຕື່ມ, ເພີ່ມການແລກປ່ຽນດ້ານບຸກຄະລາກອນ, ລົງເລິກການຮ່ວມມືໃນດ້ານການສຶກສາແລະການທ່ອງທ່ຽວ, ເຮັດໃຫ້ສາຍສຳພັນໄທແບບ ຈີນໄທບໍ່ແມ່ນອື່ນໄກ ເປັນພີ່ນ້ອງກັນນັ້ນນັບມື້ນັບແໜ້ນແຟ້ນຂຶ້ນ.
ຄຳເຫັນ
0